به‌رپرسێ لقێ 20به‌حسێ سه‌ره‌دانا دیروكى یا جه‌نابێ سه‌روك بارزانى بو وه‌لاتێ توركیا بو جه‌ماوه‌رێ شێخانكر
ئه‌ڤرو عه‌لى عه‌ونى به‌رپرسێ لقێ بیستێ پارتى دیموكراتى كوردستان ل شێخان سمیناره‌كا جه‌ماوه‌رى بو ریهسپى وكه‌سایه‌تى وجه‌ماوه‌رێ ده‌ڤه‌رێ پێشكێشكر.
وتێدا به‌حسێ سه‌ره‌دانا دیروكى یا جه‌نابێ سه‌روك بارزانى بو وه‌لاتێ توركیا كروگووت ئه‌ڤرو سه‌روك بارزانى رول وپێگه‌هه‌كێ هه‌ره بلند نه بتنێ لسه‌ر ئاستێ هه‌رێمێ به‌لكو لسه‌ر ئاستێ ئه‌قلیمى وده‌وله‌تى هه‌یه ب تایبه‌ت بو پێشڤه برنا دوزا ره‌وایا كوردان ل هه‌ر چار پارچێن كوردستانێ نه‌خاسمه پروسا ئاشتیێ ل وه‌لاتێ توركیا كو بویه ئه‌گه‌رێ راوه‌ستاندنا شه‌رى ل وى وه‌لاتى وئه‌ڤ چه‌نده ژى جهێ دلخوشیا هه‌مى لایه‌كى یه ،چونكه هه‌مى لایه‌ن گه‌هشتینه وێ ئه‌نجامێ چ كێشه ب رێیا شه‌رى ناهێنه چاره‌سه‌ركرن ودڤى بیاڤى دا سه‌روك بارزانى هه‌لگرێ مه‌دالیا ئاشتیێ یه وڤێ چه‌ندێ گرنگیه‌كا مه‌زن بو هه‌رێما كوردستانێ ژى هه‌یه .
ودته‌وه‌ره‌كێ دى دا به‌رپرسێ لقێ بیستێ پارتى دیموكراتى كوردستان به‌حسێ ره‌وشا ئه‌ڤرویا هه‌رێما كوردستانێ وعیراقێ وده‌ڤه‌رێ ب گشتى كر وئاماژه ب تێك چوونا ره‌وشا ئێمناهیا عیراقێ دا .
وژلایه‌كێ دیڤه به‌حسێ كاروپروژێن حكومه‌تا هه‌رێما كوردستانێ ئه‌وێن بو خوشكرنا ژین وژیارا وه‌لاتیان لده‌ڤه‌رێ دبیاڤێن جودا دا دهینه بجهئینان كر ودیاركر كو حكومه‌تا هه‌رێمى چه‌ندین پلانێن جودا بو نه‌هێلانا كێماسیان داناینه ولدوماهیێ گه‌نگه‌شه لسه‌ر ناڤه‌روكا سمینارێ ژلایێ به‌رهه‌ڤبوویان ڤه هاته كرن.
