به‌رپرسێ لقێ 14یێ پارتی سه‌رده‌دانا مه‌لبه‌ندێ نه‌ینه‌وا یێ ئێكه‌تیێ كر
به‌رپرسێ لقێ چارده یێ پارتی دیمۆكراتی كوردستان (عسمه‌ت ره‌جه‌ب ) ل پارێزگه‌ها مویسل سه‌ره‌دانا باره‌گایێ ئیكه‌تیا نیشتمانی كوردستان ل نه‌ینه‌وا كر و ژ لایێ (عارف رشدی ) به‌رپرسێ باره‌گایی ڤه هاته پێشوازی كرن.
د وێ هه‌ڤدیتنێ دا هه‌ردوو لا ل سه‌ر گرنگیا هه‌ڤكاری كرنێ د ناڤبه‌را رێكخستنێن پارتی دیمۆكراتی كورستان و ئێكه‌تیا نیشتمانی كوردستان ل پارێزگه‌ها مویسل ئاخڤتن و ئه‌ڤ هه‌ڤكاریه ئه‌ركه‌ك نیشتمانی و نه‌ته‌وه‌یه بۆ گه‌هشتنا ئارمانجێن گه‌لێ كورد خه‌بات بۆ كری وه‌سف كر.
هه‌روه‌سا گه‌نگه‌شه ل سه‌ر ره‌وشا ئێمناهیا پارێزگه‌ها مویسل ب گشتی كر و رۆلێ هێزێن پێشمه‌رگه‌ی و ئاسایشا هه‌رێما كوردستانێ د پاراستنا ده‌ڤه‌رێن كوردستانی یێن ده‌رڤه‌ی هه‌رێما كوردستانێ و رۆلێ ئه‌ندامێن جڤاتا پارێزگه‌هێ د به‌لاڤكرنا گیانێ هه‌ڤكاری و پێكڤه‌ژیانێ ل ناڤ جڤاتا پارێزگه‌هێ بلند سه‌نگاند.
