به‌رپرسێ لقێ 14 یێ پارتى پێشوازیا نیسان كرومى قایمقامێ قه‌زا حه‌مدانیه‌ كر

ئه‌ڤرو  عسمه‌ت ره‌جه‌ب به‌رپرسێ لقێ چارده‌ یێ پارتى دیموكراتى كوردستان ل پارێزگه‌ها مویسل پێشوازیا (نیسان كرومى ) قایمقامێ قه‌زا حه‌مدانیه‌ و شاندێ گه‌لدا كر.

 دورینشتنه‌كێ دا به‌حسێ ره‌وشا قه‌زا حه‌مدانیه‌ دبیاڤێن جودا یێن ژیانێ دا و پێشكێشكرنا خزمه‌تگوزاریێن پێدڤى بو وێ ده‌ڤه‌رێ هه‌روه‌سا  كار و ئه‌ركێن پارێزگه‌ها مویسل و جڤاتا پارێزگه‌ها مویسل و پێكڤه‌ كاركرنێ ژ پێخه‌مه‌ت پتر خزمه‌تكرنا وه‌لاتیان هاته‌كرن و به‌رپرسێ لقێ چارده‌ یێ پارتى خواست كو دڤێت هه‌مى شیان بهێنه‌ مه‌زاختن بو پتر خزمه‌تكرنا هه‌مى ده‌ڤه‌رێن پارێزگه‌ها مویسل و ب تایبه‌ت قه‌زا حه‌مدانیه‌ ژبه‌ركو لسه‌رده‌مێ رژێما ژناڤچوویى ده‌ڤه‌را ناڤبرى ژ هه‌مى پێدڤى و خزمه‌تێن ژیانێ هاتیه‌ بێ به‌هركرن.

 دلایه‌كێ دى یێ وێ روینشتنێ دا به‌حسێ رولێ هێزێن پێشمه‌رگه‌ى ژبو پاراستنا ئێمناهیا ده‌ڤه‌رێن كوردستانى یێن ده‌رڤه‌ى هه‌رێمێ و پاراستنا مال و گیانێ وه‌لاتیان هاته‌كرن.