به‌رپرسێ لقێ14 یێ پارتی پێشوازی ل ویسال سه‌لیم ئه‌نداما جڤاتا نوێنه‌رێن عێراقا فیدرال كر
ئه‌ڤرۆ ل باره‌گایێ لقێ چارده یێ پارتی دیمۆكراتی كوردستان (عسمه‌ت ره‌جه‌ب) به‌رپرسێ لقێ پێشوازی ل( ویسال سه‌لیم) ئه‌نداما جڤاتا نوێنه‌رێن عێراقا فیدرال و ئه‌نداما لیژنا مافێن مرۆڤی ل جڤاتا نوێنه‌رێن عێراقێ كر.
د وێ هه‌ڤ دیتنێ دا ب گشتی ل سه‌ر ره‌وشا پارێزگه‌ها مویسل و چاوانیا باشتر كرنا ره‌وشا ئێمناهیا پارێزگه‌هێ ئاخڤتن و ب تایبه‌ت ل سه‌ر ره‌وشا مافێن مرۆڤی.
به‌رپرسێ لقێ داخاز ژ لیژنا مافێن مرۆڤی ل جڤاتا نوێنه‌ران كر هه‌می شیان و ده‌رفه‌تان بكاربینن بۆ باشتركرنا ره‌وشا مافێن مرۆڤی و گرنگی پێ بده‌ن و گوت ژی: باره‌گایێ پارتی دیمۆكراتی كوردستان مالا هه‌می مویسلیانه بێی جوداهی.
ل دویماهیێ ئه‌نداما جڤاتا نوێنه‌ران سوپاسیا به‌رپرسێ لقێ كر و هه‌لویستێن پارتی دیمۆكراتی كوردستان د هه‌ر بیاڤه‌كی دا نه‌خاسمه د بیاڤێ به‌لاڤكرنا گیانێ لێبورین و پێكڤه‌ژیانی د ناڤبه‌را هه‌می پێكهاته‌یێن باژێرێ مویسل دابلند سه‌نگاند.
