به‌رپرسێ لقێ 20 پارتى سه‌را لیژنا ناوچا پێشكه‌فتن یا پارتى دا
دهوك/ عه‌لى عه‌ونى به‌رپرسێ لقێ بیستێ پارتى ل شێخان و ئه‌ندامێ جڤاتا سه‌ركرداتیا پارتى دیمۆكراتى كوردستان سه‌ره‌دانا لیژنا ناوچا پێشكه‌فتن كر و ژلایێ به‌رپرسێ لیژنێ دكتور ئیسماعیل سمۆ و نعمه‌ت سلێمان و ئه‌ندامێن لیژنێ ڤه هاته پێشوازى كرن.
د ڤێ هه‌ڤ دیتنێ دا به‌رپرسێ لقێ بیست پیرۆزباهیێن خۆ پێشكێشى به‌رپرس وكادر و ئه‌ندامێن لیژنێ كرن و داخازكر پتر كار بكه‌ن و گوهداریا گازنده و ئاریشێن وه‌لاتیان بكه‌ن و ب هه‌مى شیانان بزاڤێ بكه‌ن ئاریشێن وان چاره‌سه‌ر بكه‌ن، چونكه پارتى هه‌رده‌م خۆ بخزمه‌تكارا وه‌لاتیان دبینت و ئه‌ڤه رێبازا بارزانیێ نه‌مره و ئه‌م وه‌ك پارتى خۆ پێگیر دبینین.
ژ لایێ خۆڤه دكتور ئیسماعیل سمۆ به‌رپرسێ لیژنا ناڤبرى دلخۆشیا خۆ بۆ ڤێ سه‌ره‌دانێ دیار كر و گوت: ئه‌م وه‌ك پارتى چ جارا ژ رێبازا بابێ روحیێ نه‌ته‌وا كورد بارزانیێ مه‌زن لا ناده‌ین و به‌رده‌وام خه‌باتێ دكه‌ین بۆ پیشڤه‌برنا دوزا كورد و خزمه‌تكرنا كوردستانیان.
