ب سه‌رپه‌رشتیا به‌رپرسێ لقێ 17 یێ پارتى كومبونه‌كا به‌رفه‌ره هاته‌ ئه‌نجامدان

شنگال/ ل باره‌گایێ لقێ هه‌ڤده‌ یێ پارتى دیمۆكراتى كوردستان ب سه‌رپه‌رشتیا سه‌ربه‌ست بابیرى  به‌رپرسێ لقێ هه‌ڤده‌ كۆمبوونه‌كا به‌رفرهه‌ ل سه‌ر ره‌وشا ده‌ڤه‌را شنگال ب ئاماده‌بوونا به‌رپرسێن لیژنێن پارتى و ئیداریێن هه‌ر سێ ده‌ڤه‌رێن شنگال، تله‌عفر و زوممار هاته‌ ئه‌نجامدان.
د كۆمبوونێ دا به‌حسێ ره‌وشا ئه‌منى و ئابوورى و جڤاكیا ده‌ڤه‌را شنگالێ هاته‌كرن و نه‌خاسمه‌ ره‌وشا پێشكێشكرنا خزمه‌تگوزاریان و چاوانیا پێشڤه‌برنا وان ب ره‌نگه‌ك وه‌سان كو هه‌مى پێكهاتێن ده‌ڤه‌را شنگال ژێ سود مه‌ند ببن بێى جوداهى و ل سه‌ر ره‌وشا ئێمناهیا ده‌ڤه‌را شنگال كۆمبوونێ گرنگیه‌كا مه‌زن دا ڤى بیاڤى و پارستنا ره‌وش ئێمناهیێ دڤێت هه‌ر كه‌س رۆلێ خۆ ببینیتن چونكه‌ ده‌ڤه‌را شنگالێ سنووره‌كێ درێژ دگه‌ل سوریا هه‌یه‌ و تیرۆرست دخوازن و هه‌روه‌سا به‌رده‌وام بزاڤێ دكه‌ن ره‌وشا ئارامیا هه‌رێمێ تێك بده‌ن، ژبه‌ر هندێ دڤێت هه‌مى ده‌زگه‌هێن حكومى و ئه‌منى دگه‌ل هێزێن پێشمه‌رگێ كوردستانێ پێكڤه‌ كار بكه‌ن بۆ پاراستنا ئێمناهیا ده‌ڤه‌را شنگالێ.
ل دویماهیێ داخواز هاته‌كرن ئه‌ڤ كۆمبوونه‌ به‌رده‌وام بن و هه‌ر پێشنیاره‌كا هه‌بیت ب زوترین ده‌م بگه‌هیننه‌ جهێن به‌رپرسیار.