قایمقامێ قه‌زا به‌عاج وئه‌ندامێن جڤاتا قه‌زا ناڤبری سەرا لقێ 17 دا

ئه‌ڤرو سه‌ربه‌ست بابیری به‌رپرسێ لقێ هه‌ڤده‌ یێ پارتی دیموكراتی كوردستان ل قه‌زا شنگال پێشوازیا قایمقامێ قه‌زا به‌عاج وئه‌ندامێن جڤاتا قه‌زا ناڤبری وهژماره‌كا سه‌روك هوزێن وێ ده‌ڤه‌رێ كر.

 د روینشتنه‌كێ دا به‌رپرسێ لقێ هه‌ڤده‌ یێ پارتی به‌حسێ ره‌وشا ده‌ڤه‌را به‌عاج بگشتی كر و دیاركر كو لقێ هه‌ڤده‌ یێ پارتی به‌رهه‌ڤه‌ ژبو پاراستنا سه‌ر و مالێ وه‌لاتیان ل وان ده‌ڤه‌ران و هێزێن پێشمه‌رگێ كوردستانێ روله‌كێ مه‌زن و به‌رچاڤ دیتیه‌ ژبو پاراستنا وان ده‌ڤه‌ران وبتایبه‌تی پشتی گه‌فێن ده‌وله‌تا بناڤ ئیسلامی ل عیراق وشامێ لسه‌ر ده‌ڤه‌رێ و داخازكر كو خه‌لكێ ده‌ڤه‌رێ ب هه‌می پێكهاتێن خو ئێك ده‌ست و ئێك ملبن ژبو پاراستنا گیانێ وه‌لاتیان دژی تیرورست و نه‌حه‌زان.

 ولدوماهیێ هه‌ردو لا چه‌ندین بیروبوچوون پێخه‌مه‌ت پێكڤه‌ كاركرنێ دیاركرن وهژماره‌كا رێنما وراسپاردان هاتنه‌ پێشنیاركرن ژبو پاراستنا سه‌رومالێ وه‌لاتیێن ده‌ڤه‌رێ. ژلایێ خوڤه‌ به‌رپرسێ لقێ به‌رهه‌ڤیا خو بو هه‌ر هاریكاریه‌كا پێدڤی دیاركر.