دەزگەهێن ئەمنی ولقێ 17 یێ پارتی ل شنگالی كومبوونەكی ئەنجام ددەن

ژبۆ پارستنا ده‌ڤه‌را رۆژئاڤا دیجله‌ی و په‌یداكرنا هه‌ماهه‌نگیێ د ناڤبه‌را هه‌می ده‌زگه‌هێن ئه‌منی ل سه‌رانسه‌ری ده‌ڤه‌رێ كومبوونه‌كا ئه‌منی ل باره‌گایێ لقێ هه‌ڤده‌یێ پارتی دیمۆكراتی كوردستان و ب ئاماده‌بوونا( سه‌ربه‌ست بابیری) به‌رپرسێ لقێ هه‌ڤده‌ و( مویه‌سه‌ر حه‌جی) قایمقامێ قه‌زا شنگال و به‌رپرسێن ده‌زگه‌هێن ئه‌منی ل ده‌ڤه‌را شنگال و لیوا (روكن محه‌مه‌د) ئه‌لقۆره‌یشی فه‌رماندێ لیوا نه‌ه یا له‌شكه‌رێ عێراقێ ل ده‌ڤه‌را تله‌عفه‌ر هاته‌ ئه‌نجامدان.

 د كومبوونێ دا ب درێژی ل سه‌ر ره‌وشا ئێمناهیا ده‌ڤه‌رێ ب گشتی ئاخڤتن و نه‌خاسمه‌ پشتی زێده‌بوونا كریارێن تیرۆرستی یێن ده‌وله‌تا ئیسلامی یا عێراق و شامێ ل ده‌ڤه‌رێ و بۆ تێكدانا ره‌وشا ئێمناهیا ده‌ڤه‌رێ و پێكڤه‌ كاركرن و خورتكرنا په‌یوه‌ندیان و لێك گوهورینا پێزانینان بۆ رێگرتنێ ل هه‌ر كریاره‌كا تیرۆرستان.

 هه‌روه‌سا د كومبوونێ به‌حسێ گرنگیا پێكڤه‌ كاركرنێ هاته‌كرن و بریاردان كو ئه‌ڤ ره‌نگه‌ كومبوونه‌ به‌رده‌وام بن دا ب چ ره‌نگان تیرۆرست نه‌شێن زیانێ ب گه‌هینن ره‌وشا ئێمناهیا ده‌ڤه‌رێ.