به‌رپرسێ لقێ 20 پێشوازیا هژماره‌كا كه‌سایه‌تی وری سپی یێن به‌رواریان یێن ل سنورێ قه‌زا شێخان كر
شێخان/ عه‌لی عه‌ونی به‌رپرسێ لقێ بیستێ پارتی دیموكراتی كوردستان ل شێخان پێشوازیا هژماره‌كا كه‌سایه‌تی وری سپی یێن به‌رواریان یێن ل سنورێ قه‌زا شێخان دئاكنجی كر .
دروینشتنه‌كێدا زێده‌باری بخێرهاتنێ به‌رپرسێ لقێ بیست ژ ره‌وشا ژین وژیارا وان پرسی ودیاركر هه‌ر خزمه‌ته‌كا ئه‌ڤرو بو خه‌لكێ ده‌ڤه‌رێ بهێته كرن مافێ وانه چونكه خه‌لكی دقوناغێن بزاڤا رزگاری خوازیا گه‌لێ كوردستانێ هند ده‌رده‌سه‌ری دیتینه كو ژ هه‌ژی هه‌می خزمه‌ته‌كێ نه.پاشان شاندێ ناڤبری زێده‌باری پێشكێشكرنا سوپاسیان بو وان خزمه‌تێن بو وان هاتینه پێشكێشكرن،چه‌ند داخوازیه‌ك پێشكێشی به‌رپرسێ لقێ بیستێ پارتی دیموكراتی كوردستان كرن وژلایێ خوڤه به‌رپرسێ لقێ بیستێ پارتی سوزدا ئه‌وا دشیان دا بیت دێ وه‌ك ئه‌رك بو هێته بجه ئینان وسه‌رجه‌م داخوازیێن وان دێ گه‌هینیته جهێن شوله ژێ ب مه‌ره‌ما چاره‌سه‌ركرنێ ودته‌وه‌ره‌كێ دی دا به‌حسێ پێكڤه ژیانا برایانه دناڤبه‌را سه‌رجه‌م پێكهاتێن ده‌ڤه‌رێ هاته كرن.
