به‌رپرسێ لقێ 14یێ پارتی سه‌ره‌دانا قایقامیا تلكێفێ و بزاڤا دیموكراتیا ئاشوری كر

تلكێف/ عسمه‌ت ره‌جه‌ب به‌رپرسێ لقێ چارده‌ یێ پارتی دیمۆكراتی كوردستان ل پارێزگه‌ها مویسل سه‌ره‌دانا قایقامیا تلكێفێ یا سه‌ر ب پارێزگه‌ها مویسل كر دا ژ نێزك ئاگه‌هداری ره‌وشا وێ یا ئێمناهی و خزمه‌تگوزاری ببیت و داخاز ژ ده‌زگه‌هێن خزمه‌تگوزاری و ئێمناهیێن وێ ده‌ڤه‌رێ كر كو خزمه‌تگوزاریان پێشكێش بكه‌ن.

هه‌روه‌سا ناڤبری سه‌ره‌دانا باره‌گایێ لقێ سه‌نحاریب یێ بزاڤا دیمۆكراتیا ئاشووری كر و ژ لایێ ئه‌ندامێ مه‌كته‌با سیاسیا و به‌رپرسێ لقێ و كادر و ئه‌ندامێن وێ هاته‌ پێشوازی كرن و دلخۆشیا خۆ بۆ ڤێ سه‌ره‌دانێ دیاركر و ب پێنگاڤه‌كا باش هژمارت بۆ مكۆمتر كرنا په‌یوه‌ندیان دناڤبه‌را پارتی دیمۆكراتی كوردستان و بزاڤا دیمۆكراتا ئاشووری.

هه‌ر د وێ دیدارێ دا به‌رپرسێ لقێ چارده‌ یێ پارتی دیمۆكراتی كوردستان پیرۆزباهی ل بزاڤا ئاشووری كر ب هه‌لكه‌فتا گرێدانا كونگرێ خۆو داخاز كر ئه‌ڤ سه‌ره‌دانا دبه‌رده‌وام بن داپتر بشێن خزمه‌تا ده‌ڤه‌رێ بكه‌ن و پاراستنا ره‌وشا ئارامیێ و نه‌هێلانا چ رێكان بۆ تیرۆرستێن دخازن ره‌وشا ئارامیێ ڤێ ده‌ڤه‌رێ تێك ب ده‌ن.