به‌رپرسێ لقێ1 سه‌را مالا زه‌كى مسته‌فا پێشمه‌رگێ شوره‌شا ئه‌یلولێ دا
به‌رده‌وامى دان ب به‌رنامێ سه‌ره‌دانان بو خێزانێن پێشمه‌رگێن شوره‌شێن ئه‌یلول و گولانێ و ئاگه‌هداربوون ل سه‌ر ره‌وشا ساخله‌میا یا پێشمه‌رگێن قه‌هره‌مان و چاڤ نه‌ترس ئه‌ڤرو ب سه‌روكاتیا شانده‌كێ لقێ ئێك (عبدالخالق بابیرى) به‌رپرسێ لقێ ئێك سه‌را مالا زه‌كى مسته‌فا پێشمه‌رگێ شوره‌شا ئه‌یلولێ دا.
دڤێ سه‌ره‌دانێ دا به‌رپرسێ لقێ ئێك داخوازا ساخى و سلامه‌تیێ بو پێشمه‌رگێ ناڤبرى خواست كو ئه‌ڤه ده‌مه‌كه ره‌وشا وى یا ساخله‌میێ تێك چوویه و پاشان عبدالخالق بابیرى به‌حسێ ماندییبونا پێشمه‌رگێ ناڤبرى كر و دا دیاركرن كو د روژێن سه‌خت و دژواردا زه‌كى مسته‌فاى روله‌كێ هه‌ژى و بلند گێرایه د چه‌په‌رێن به‌ره‌ڤانى و خه‌باتێ دا و پاشان به‌رپرسێ لقێ گوت سه‌ره‌دان و ئاگه‌هدابوون ل سه‌ر ژین و ژیارا پێشمه‌رگێن شوره‌شێن ئه‌یلوول و گولانێ ئه‌ركێ لقێ ئێكه و هه‌رده‌م جهێ رێزگرتنێ نه.
و ژلایێ خوڤه زه‌كى مسته‌فا خوشحالیا خو ب ڤێ سه‌ره‌دانێ ده‌ربرى و سوپاسیا به‌رپرسێ لقێ كر بو ئاگه‌هداربونا جه‌نابێ وى ل سه‌ر ژیارا پێشمه‌رگێن دێرین. و ل دوماهیێ به‌رپرسێ لقێ هاریكارى و ئاماده‌یى یا خو بو هه‌ر كاره‌كێ پێدڤى دا دیاركرن.
