به‌رپرسێ لقێ 14 پێشوازیا شانده‌كێ ئێكه‌تى نشتیمانى كوردستان كر
ئه‌ڤروعسمه‌ت ره‌جه‌ب به‌رپرسێ لقێ چارده یێ پارتى دیموكراتى كوردستان ل پارێزگه‌ها مویسل پێشوازیا شانده‌كێ مه‌لبه‌ندێ رێكخستنا ئێكه‌تى نشتیمانى كوردستان ل مویسل كر ، دروینشتنه‌كێ دا به‌حسێ په‌یوه‌ندیێن دووقولى دناڤبه‌را پارتى دیموكراتى كوردستان و ئێكه‌تى نشتیمانى كوردستان و چاوانیا پێشئێخستنا وان په‌یوه‌ندیان .
هه‌روه‌سا ژلایه‌كێ دیڤه به‌حسێ ره‌وشا پارێزگه‌ها نه‌ینه‌وا ژلایێ سیاسى و ئێمناهى و خزمه‌تگوزارى ڤه كر و هه‌ردوو لا ته‌ئكید لسه‌ر پاراستنا ده‌ستكه‌فتان و پتر خورتكرنا په‌یوه‌ندییان پێخه‌مه‌ت كاراكرنا دان وستاندنان وپێكگوهارتنا بیروبوچوونان كر.
هه‌روه‌سا هه‌ردوو لابه‌حسێ رولێ حكومه‌تا نافخو یا مویسل كرژلایێ دابینكرنا خزمه‌تگوزاریان و ئێمناهى و ته‌ناهیێ بو وه‌لاتییان كو هه‌مى بزاڤان دمه‌زێخیت.
هه‌رئه‌ڤرو عسمه‌ت ره‌جه‌ب به‌رپرسێ لقێ چارده یێ پارتى دیموكراتى كوردستان ل پارێزگه‌ها مویسل پێشوازیا شانده‌كێ جڤاتا رى سپیێن كرملێس ب سه‌روكاتیا( نعمت ئیشو شابا) سه‌روكێ جڤاتێ كر ، دروینشتنه‌كێ دا به‌حسێ ره‌وشا ده‌ڤه‌رێ كر و شاندێ مێهڤان ژلایێ خو ڤه په‌سنا رولێ پێشمه‌رگه‌ى و ئاسایشێ دپاراستنا ده‌ڤه‌را وان دا كر و هه‌روه‌سا په‌سنا رولێ به‌رپرسێ لقێ چوارده یێ پارتى كر ژبه‌ر رولێ وى بو گرنگیدانێ ب هه‌مى پێكهاتێن ده‌ڤه‌رێ و هه‌روه‌سا چه‌نده‌ك ژ كارو چالاكیێن خو به‌رچاڤكرن ، ژلایێ خوڤه به‌رپرسێ لقێ به‌حسێ وێ چه‌ندێ كر كو یێ كار دكه‌ن پێخه‌مه‌ت به‌لاڤكرنا دیموكراسیه‌تێ و برایه‌تیێ و پێكڤه ژیانێ لده‌ڤه‌رێ و گوت ئه‌م ب هیڤینه كو جڤاتا نوكه یا پارێزگه‌ها نه‌ینه‌وا دێ هه‌مى خزمه‌تان بو خه‌لكێ ده‌ڤه‌رێ بێى جوداهى كه‌ت.
