به‌رپرسێ لقێ 14 یێ پارتی پێشوازیا شانده‌كێ جڤاتا هوزێن ده‌شتا نه‌ینه‌وا كر

مویسل/ عسمه‌ت ره‌جه‌ب  به‌رپرسێ لقێ چارده‌ یێ پارتی دیموكراتی كوردستان ل پارێزگه‌ها مویسل پێشوازیا شانده‌كێ جڤاتا هوزێن ده‌شتا نه‌ینه‌وا كر، دروینشتنه‌كێ دا به‌حسێ په‌یوه‌ندیێن دوو قولی دناڤبه‌را هه‌ردوولادا و بهێزكرنا وان په‌یوه‌ندیان و ره‌وشا پارێزگه‌ها مویسل ب گشتی و ب تایبه‌ت كارێ ئه‌ندامێن لیستا برایه‌تی و پێكڤه‌ ژیانێ د جڤاتا پارێزگه‌ها مویسل دا و ژبو پتر خوشكرنا ژین و ژیارا وه‌لاتیان و ئه‌نجامدانا پروژێن گرنگ و ستراتیژی ل ده‌ڤه‌رێ كر و به‌رپرسێ لقێ چارده‌ دیاركر كر كو دێ كاركه‌ن بو دابینكرنا هه‌می پێدڤیێن ژیانێ و ئه‌نجامدانا پروژێن خزمه‌تگوزاری بو هه‌می خه‌لكێ پارێزگه‌ها مویسل بێ جوداهی .

هه‌روه‌سا د لایه‌كێ دی دا به‌حسێ رولێ هێزێن پێشمه‌رگێ كوردستانێ د پاراستنا ئێمناهیێ دا ل ده‌ڤه‌رێن كوردستانی یێن ده‌رڤه‌ی هه‌رێمێ و گیانێ پێكڤه‌ ژیان و لێبورینی دناڤبه‌را هه‌می پێكهاتێن ده‌ڤه‌رێ دا هه‌روه‌سا خزمه‌تكرنا ده‌ڤه‌رێن كوردستانێ یێن ژ ده‌رڤه‌ی هه‌رێمێ ژلایێ حكومه‌تا هه‌رێما كوردستانێ هاته‌كرن لدویماهیێ به‌رپرسێ لقێ چارده‌ یێ پارتی به‌رهه‌ڤیا لقێ بو هه‌ر هاریكاریه‌كا پێدڤی دیاركر.