دهوك : به‌رپرسێ لقێ ئێكێ پارتی سه‌را سه‌روكاتیا زانكویا دهوك دا

ب هه‌لكه‌فتا ده‌سپێكرنا سالا نوی یا خاندنێ دوهزاروسێزده‌ دوهزاروچارده‌ لسه‌رانسه‌ری هه‌رێما كوردستانێ و ب مه‌ره‌ما پیروزباهیكرنا سالا نوی یا خاندنێ عبدالخالق بابیری به‌رپرسێ لقێ ئێكێ پارتی دگه‌ل دا دكتور مێهڤان بادی به‌رپرسێ لیژنا ناوچا چرا سه‌را سه‌روكاتیا زانكویا دهوكێ دا و ژلایێ بروفیسور دكتور مسلح دهوكی ڤه‌ هاتنه‌ پێشوازیكرن د ڤێ سه‌ره‌دانێ دا به‌رپرسێ لقێ ئێك پیروزباهیێن خو و لقێ ئێكێ پارتی گه‌هاندنه‌ سه‌روكێ زانكویێ و هیڤی خاست كو ئه‌ف ساله‌ ببیته‌ سالا پێشڤه‌چون و بلندكرنا ئاستێ زانست و زانیاریێ ل هه‌رێما كوردستانێ و دا دیاركرن كو شوره‌ش و پێشكه‌فتن و چه‌كێ ئه‌ڤرو بویه‌ زانست له‌ومان یا گرنگه‌ ئه‌م خازیارێت زانست و زانینێ بین.

هه‌روه‌سان رولێ زانكویا دهوك ب گرنگی و مه‌زنی ل قه‌له‌م دا د سالێن بوری دا كوشیایه‌ ب هزاران كچ و كورێن ڤێ وه‌لاتی پێبگه‌هینیت و بكه‌ته‌ كادرێن ئه‌كادیمی و ل دوماهیێ عبدالخالق بابیری ئاماده‌یی پشته‌ڤانیا خو بو هه‌ر جوره‌ هاریكاری و كاره‌كێ پێدڤی دا دیاركرن وژلایێ خوڤه‌ سه‌روكێ زانكویێ خوشحالیا خو بڤێ سه‌ره‌دانێ ده‌ربری.

هه‌روه‌سان ئه‌ڤرو ب هه‌مان هه‌لكه‌فت به‌رپرسێ لقێ ئێك سه‌را راگریێن هه‌ردوو فاكولتیێن چاندن و دارستان،پزیشكی فیترنه‌ری دا و ژلایێ راگرێن هه‌ردوو فاكولتیادكتورموفق سلێمان و دكتورلوقمان ته‌یب هاته‌ پێشوازیكرن و د ڤێ سه‌ره‌دانێ دا راگرێن ناڤبری خوشحالیا خو ده‌ربرین ب ڤێ سه‌ردانێ و عبدالخالق بابیری پشته‌ڤانیا خو بو هه‌ر كاره‌كێ پێدڤی دا دیاركرن.