لقێ 18 : جەژنا قوربانا ل هەمی موسلمانان پیروزبیت

بهه‌لكه‌فتا هاتنا جەژنا قوربانا لقێ 18ی پارتی دیموکراتی کوردستان بروسکەکا پیروزباهیێ بەلاڤکریە وئەڤا ل خارێ تەکستا وێیە :-

بهه‌لكه‌فتا هاتنا جه‌ژنا قوربانا یا پیروز ئه‌م بناڤێ لقا 18ی پارتی دیموكراتی كوردستان و جه‌ماوه‌رێ ده‌ڤه‌را ئامێدیی، پر ژ دل پیروزباهیێن خو ئاراسته‌ی موسلمانێن كوردستانێ ب گشتی ویێن ده‌ڤه‌را ئامێدیێ ب تایبه‌تی دكه‌ین و ژخودێ مه‌زن دخازین ب خێرو خوشی ل سه‌رگه‌ل و وه‌لاتێ مه‌دا ده‌رباز بكه‌ت و ده‌رگه‌هێن خێرو به‌ره‌كه‌تێن خو ل مه‌ هه‌میان ڤه‌كه‌ت و وه‌لاتێ مه‌ دور بێخیت ژهه‌می ده‌رد و نه‌خوشایان.

هه‌لبه‌ت هه‌ر ل ده‌ستپێكا هه‌لبونا جریسكا روناهیا دینێ ئیسلامێ یێ پیروز د وه‌لاتێ مه‌دا، گه‌لێ مه‌ گه‌له‌ك ب گه‌رمی پێشوازی لێ كریه‌ و ئه‌ڤ ئوله‌ ب پیروزیڤه‌ راگرتییه‌ و پرانیا وی قه‌ست كریێ و گه‌له‌ك ب دلسوزی كه‌فتیه‌ دخزمه‌تا دینێ ئیسلامێ یێ پیروزدا، و هه‌ر زوی بزاڤ كریه‌ كو ببیته‌ پشكه‌كا گرنك ژ جڤاكێ ئیسلامێ و خزمه‌ته‌كا گه‌له‌ك مه‌زن پێشكێشی شارستانیه‌تا ئیسلامێ كریه‌ و خه‌لكێ كوردستانێ روله‌كێ مه‌زن گێرایه‌ و ژبو خزمەتکرنا ئیسلامێ دهه‌می بواراندا و چه‌ندین سه‌ركرد و ناڤدار و زانایێن مه‌زن دناڤ دا رابوینه‌ و بوینه‌ ستونێن ب هێز و خوراگر دناڤ ئولێ ئیسلامێ دا كو تا نوكه‌ژی كارتێكرنا وان لسه‌ر رێره‌و و پێڤاژویا ئیسلامێ هه‌یه‌ و نوكه‌ژی پرانیا خه‌لكێ كوردستانێ هه‌ر دخزمه‌تا دینێ خویێ پیروز دایه‌ و پشتی رژێما داگیركه‌را به‌عسی، پتریا جهێن ئولی و مزگه‌فت سوتین و شوینه‌وارێن وان نه‌هێلاین، جاره‌كادی حكومه‌تا كوردستانێ هه‌می ئاڤه‌دانكرنه‌ڤه‌ و پیته‌ك گه‌له‌ك مه‌زن ب ئولێ پیروزێ ئیسلامێ و جهێن ئولی دده‌ت و ڤێ چه‌ندێ ژی ب ئه‌ركێ خو دزانیت.

دوباره‌ ژ خودێ مه‌زن دخازین وه‌لاتێ مه‌ هه‌می ئاڤا و ئاڤه‌دان بیت و ئه‌ڤ جه‌ژنه‌ ببیته‌ هانده‌ره‌ك ب هێز بو ئێك رێزی و هه‌ڤگرتنا مه‌ و خورتكرنا گیانێ لێبورینێ و پێكڤه‌ ژیانێ و ئێك دو قه‌بول كرنێ دناڤ گه‌لێ كوردستانێ دا.

 

             لقێ 18

          پارتی دیموکراتی کوردستان