لقێ 18 : ژدایك بوونا رادیویا دهوك پێتڤیه‌كا فه‌ر و گرنگ بو ژبو پارێزگه‌ها دهوكێ
لقێ 18ی پارتی دیموکراتی کوردستان بهه‌لكه‌فتا سالڤه‌گه‌را دامه‌زراندنا رادیویا دهوك بروسکەکا پیروزباهیێ بەلاڤکریە وئەڤا ل خارێ تەکستا وێیە :- بهه‌لكه‌فتا سالڤه‌گه‌را دامه‌زراندنا رادیویا دهوك بناڤێ لقێ18ی پارتی دیموكراتی كوردستان و جه‌ماوه‌رێ ده‌ڤه‌را ئامێدیێ پیروزباهیێن گه‌رمێن خو دگه‌هینینه ته‌ڤ كارمه‌ند و میدیاكارێن ڤێ رادیویێ .
بێگومان رادیویا دهوك ل ده‌مه‌كی هات كو ڤالاتیه‌كا مه‌زن دوارێ میدیایی دا ل ده‌ڤه‌را مه هه‌بو و ئه‌ڤ رادیویه شیا ڤێ ڤالاتیا مه‌زن ل ده‌ڤه‌رێ پر بكه‌ت و هه‌ر زوی شیا جهێ خو ل ناڤ هه‌می ته‌خ و چوینێن جڤاكی دا بكه‌ت و ببیته مێهڤانا پتریا خه‌لكی و شیایه ببیته خودیكا ده‌ڤه‌را به‌هدینان و زمانحالێ خه‌لكێ ڤێ ده‌ڤه‌رێ و ژدایك بوونا رادیویا دهوك پێتڤیه‌كا فه‌ر و گرنك بو ژبو پارێزگه‌ها دهوكێ، ژبو رومالكرن و به‌رچاڤكرنا ژیانا روژانه یا خه‌لكێ ڤێ ده‌ڤه‌رێ و هشیار كرنا جڤاكی دهه‌می بواراندا و ئه‌ڤ رادیویه شیایه ب هویری ئه‌ته‌كێت و پرنسیپ و ئه‌خلاقیاتێت میدیای په‌یره‌و بكه‌ت و دیسان شیایه خو بكه‌ته پره‌ك ل ناڤ به‌را خه‌لكی و ده‌سته‌لاتێ دا و پره‌كا ب هێز ل ناڤ به‌را باكورو باشور و روژهه‌لات و ئه‌وروپا و ب ئه‌مانه‌ت په‌یاما خه‌لكی بگه‌هینیت و گه‌له‌ك ب وێره‌كانه خو ل مژارێن سیاسی و جڤاكی بكه‌ته خودان و ب ره‌نگه‌كێ زانستی ب ئازرینیت و سه‌ره‌ده‌ریێ ژی دگه‌ل دا بكه‌ت.
بێگومان ژڤێ پتر لڤێ رادیویا خه‌باتكه‌ر دهێته چاڤه‌رێ كرن، و یا فه‌ره كو پتر خو نێزكی خه‌لكی بكه‌ت و ئێكا هند بكه‌ت كو ببیته مێهڤانا روژانه یا هه‌می خه‌لكێ ده‌ڤه‌رێ و بچیته دهه‌می مالاندا.
دوباره ئه‌ڤ هه‌لكه‌فته ل مه هه‌میان پیروزه و داخازا سه‌ركه‌فتنێن مه‌زن بو هەوە دکەین.
لقێ 18
پارتی دیموکراتی کوردستان
