به‌رپرسێ لقێ 14 یێ پارتى پێشوازیا شانده‌كێ هه‌ڤپه‌یمانیا نشتیمانى كر
مویسل/عسمه‌ت ره‌جه‌ب به‌رپرسێ لقێ چارده یێ پارتى دیمۆكراتى كوردستان ل پارێزگه‌ها مویسل پێشوازى ل شانده‌كێ هه‌ڤپه‌یمانیا نیشتمانى بۆ ئاڤاكرن و گوهورینێ ب سه‌رۆكاتیا شێخ ئال نعمه‌ت كر.شاندێ مێهڤان سلاڤ و رێزێن ئه‌میندارێ گشتیێ هه‌ڤپه‌یمانیا نیشتمانى بۆ ئاڤاكرن و گوهورینێ ل به‌غدا گه‌هاندنه به‌رپرسێ لقێ .
هه‌روه‌سا پیرۆزباهیا سه‌ركه‌فتنا لیستا برایه‌تى و پێكڤه‌ژیانێ د هه‌لبژارتنێن پارێزگه‌ها مویسل دا كر و سه‌ركه‌فتنا لیستا پارتى دیمۆكراتى كوردستان د هه‌لبژارتنێن هه‌رێما كوردستانێ دا و داخوازا پێشكه‌ڤتنا پارتى دیمۆكراتى كوردستان كر و رۆلێ پارتى ل سه‌ر ئاستێ عێراق و هه‌رێما كوردستانێ بلند سه‌نگاند د به‌لاڤه‌كرنا گیانێ برایه‌تى و پێكڤه‌ژیانێ ل ناڤ هه‌مه پێكهاته‌یێن عێراقێ و ل مویسل ب تایبه‌تى.
پاشى شاندێ مێهڤان ل سه‌ر په‌یوه‌ندیێن دیرۆكى و ستراتیجى یێن دناڤبه‌را هه‌ڤپه‌یمانیا نیشتمانى بۆ ئاڤاكرن و گوهۆرینێ دگه‌ل كوردان ئاخڤتن و ئه‌ڤ په‌یوه‌ندیه ب گرنگ هژمارتن بۆ پاراستنا به‌رژه‌وه‌ندیێن هه‌ردوو لایان.ژ لایێ خۆڤه عسمه‌ت ره‌جه‌ب ب گه‌رمى پێشوازیا شاندێ مێهڤان كر و گوت: ده‌رگه‌هێ پارتى دیمۆكراتى كوردستان بۆ هه‌ر لایه‌نه‌ك و پێكهاته‌یه‌كا جڤاكا عێراقێ ڤه‌كریه و دڤێت هه‌ڤكارى و هه‌ڤ دیتن د ناڤبه‌را مه و حزبێن دى یێن ل مویسل دبه‌رده‌وام بن و دووپاتكر سه‌ركه‌فتنا لیستا برایه‌تى و پێكڤه‌ژیانێ سه‌ركه‌فتنا هه‌مى عێراقیانه.ل دویماهیا وێ سه‌ره‌دانێ هه‌ر دوو لا ل سه‌ر ره‌وشا پارێزگه‌ها مویسل و عێراقێ گه‌نگه‌شه كرن و هه‌ردوو لا د هه‌ڤرا بوون ل سه‌ر ڤه‌گوهاستنا پرسا ئاسایشێ ژ له‌شكه‌رێ عێراقا فیدرال بۆ هێزێن ناڤخۆ ل پارێزگه‌ها مویسل.
