سه‌ربه‌ست له‌زگین: كومكرنا په‌رتوكا لسه‌ر خه‌باتا بارزانیێ نه‌مر گرنگیه‌كا تایبه‌ت هه‌یه‌

ب ئاماده‌بینا سه‌ربه‌ست له‌زگین ئه‌ندامێ جڤاتا سه‌ركردایه‌تیا پارتى دیموكراتى كوردستان و به‌رپرسێ لقێ 8ێ پارتى و هژماره‌كا به‌رپرسێن حزبى و حكومى و پێشمه‌رگێن دێرین، پێشانگه‌هه‌كا ئه‌رشیڤى ب هه‌لكه‌فتا بورینا پێنجى سالان ل سه‌ر دامه‌زراندنا ئێزگێ ده‌نگێ كوردستانێ لدور خه‌باتا بارزانیێ نه‌مر بۆ نڤێسه‌ر (شڤان توڤى) ل هولا سه‌نته‌رێ زاخۆ یێ ره‌وشه‌نبیرى هاته‌ ڤه‌كرن.

سه‌ربه‌ست له‌زگین به‌رپرسێ لقێ 8ێ پارتى ده‌ستخوه‌شى ل سه‌نته‌رێ زاخۆ یێ ره‌وشه‌نبیرى كر ب ڤه‌كرنا ڤان جوره‌ پێشانگه‌هان و راگه‌هاند كو كومكرنا چ په‌رتوك یا نڤێسین یان روژنامه‌ لسه‌ر خه‌باتا بارزانیێ نه‌مر گرنگیه‌كا تایبه‌ت هه‌یه‌ چونكى بارزانیێ نه‌مر سه‌ركرده‌یێ نه‌ته‌ویى یێ كوردانه‌ و ژیانا خوه‌ هه‌مى ته‌رخانكربوو ژبۆ خزمه‌تكرنا گه‌ل و وه‌لاتێ خوه‌ و گه‌هشتن ب ئارمانج و هیڤیێن ملله‌تێ مه‌.

به‌رپرسێ لقێ 8ێ پارتى پشته‌ڤانیا خوه‌ ژى دا دیاركرن بۆ سه‌نته‌رێ زاخۆ یێ ره‌وشه‌نبیرى بۆ ڤه‌كرنا ڤان جوره‌ پێشانگه‌هـ و چالاكیێن ره‌وشه‌نبیرى.