سه‌ربه‌ست له‌زگین ده‌ستبكاربوونا راگرێ نوی یێ په‌یمانگه‌ها ته‌كنیكی یا زاخۆ پیرۆز دكه‌ت

زاخو/ ب مه‌ره‌ما ئاراسته‌كرنا پیرۆزباهیانی سه‌ربه‌ست له‌زگین به‌رپرسێ لقێ 8 پارتی دیموكراتی كوردستان و شانده‌كێ دگه‌ل دا سه‌را راگریا په‌یمانگه‌ها ته‌كنیكی یا زاخو دا و ژلایێ د. ته‌ها زبێر سه‌رحان راگرێ نوی یێ په‌یمانگه‌هێ ڤه‌ هاتنه‌ پێشوازی كرن.

دریشنته‌كێ دا سه‌ربه‌ست له‌زگین پیروزباهیێن لقێ ئاراسته‌ی راگرێ نوی یێ په‌یمانگه‌هێ كرن و دیار كر كو په‌یمانگه‌ها ته‌كنیكی یا زاخۆ روله‌كێ گرنگ دبلندكرنا ئاستێ زانست و زانینێ دا گێرایه‌ ب تایبه‌تی ژی بۆ باژێرێ زاخۆ و هیڤی خواست كو ناڤبری بشێت بشێوه‌كێ باشتر خزمه‌تا په‌یمانگه‌هێ و قوتابیان بكه‌ت و پشته‌ڤانیا لقێ 8 بو هه‌ر جوره‌ كاره‌كێ دبه‌رژه‌وه‌ندا په‌یمانگه‌هێ دا دووپات كر.

ژلایێ خۆ ڤه‌ د.ته‌ها زبێر سوپاسیا لقێ 8 كر بۆ ڤێ پشته‌ڤانیێ و دیار كر كو دێ هه‌می هێز و شیانێن خو ژبو خزمه‌تا په‌یمانگه‌هێ مه‌زێخیت.