ل چەمانکێ، بەرپرسێ لقێ سوپاسیا بازنێن هەوا هەلبژارتنان و دەنگدەران دکەت

لیژنا ناوچا چەمانکی ب هەڤکاری دگەل لقێ 18ی پارتی دیموکراتی کوردستان و ب بەرهەڤبوونا بەرپرسێ لقێ مێهڤانداریەکا خوارنا دانێ نیڤرو بو بازنێن هەوا بانگەشا ‌هەلبژارتنان و ریهسپی و موختارێن دەڤەرا چەمانکێ سازکر ل روژا پێنج شەمبی رێکەفتی 3-10-2013.

بەرپرسێ لقێ 18ی بارتی دیموكراتی كوردستان ل داویا نان خوارنێ سمینارەك پێشكێشكی ئامادەبویان کر و تێدا سوپاسیێن لقێ 18 گەهاندنە ئامادەبویان و دەستخوشی لێ كرن ژبو رول و بەشداریا وان دپروسا دەنگدانێدا و وی کارێ پیروزێ ڤان بازنان ئەنجامدای و داخواز ژێ کر ب رێیا خو سوپاسیێن لقێ بگەهیننە هەمی خەلکێ دەڤەرێ یێن دەنگدای ب پارتی و لیستا 110، دیسان فەریق فاروق سەرکەفتنا پارتی ل هەمی خەلکێ دەڤەرێ پیروزکر و گوت خەلکێ دەڤەرێ ب ڤێ چەندێ دوپاتکر کو ئەو خودانێن پارتینە و وەفادار و دلسوزێن رێبازا بارزانیێ نەمرن و باوەریا خو ب پارتی دوپاتکر، دیسان ئاماژەدا بەرنامێ لیستا 110کو ب تەمامی بو خزمەتا وەلاتیان هاتیە دارشتن و ب ئانەهیا خودێ دێ هێتە بجهئینان.

کریارێن هوڤانە یێن تیرورستان ل هەولێرا پایتەخت، تەوەرەکێ دی یێ ڤێ سمینارێ بوو، ئێک رێزیا گەلێ کوردستانێ ب ئەگەرەکێ سەرەکی و کارەکێ گرنگ زانی بو پێشڤەچوونا کوردستانێ و خوراگرتن لبەر هێرش و پیلانێن دوژمنان،بەرپرسێ لقێ دل گرانیا خو بو رویدانا دلتەزینا هەولێرێ دەربری وداخوازا سلامەتیێ بو برینداران کر و ژخودایێ مەزن خواست جهێ شەهیدان بەهەشت بیت.