لقێ 18 : راگەهاندنا فیدرالیزمێ ژلایێ پەرلەمانێ کوردستانێ ڤە بریارەکا وێرەک و دیروکی بوو

لقێ 18 ی پارتی دیموکراتی کوردستان پەیامەکا پیرزباهیێ ئاراستەی پەرلەمانێ کوردستانێ و سەروکێ هەرێمێ و سەروکێ حکومەتێ و گەلێ کوردستانێ کریە بهەلکەفتا بیست وئێکەمین سالڤەگەرا راگەهاندنا بریارا فیدرالیێ بو کوردستانێ ژ ئالیی پەرلەمانێ کوردستانێ ڤە . و ئەڤا ل خارێ تەکستا وێیە:-

 بهەلکەفتا بیرەوەریا (21) سالیا راگەهاندنا بریارا سیستەمێ فیدرالیزمێ ژ لایێ پەرلەمانێ کوردستانێ ڤە گەرمترین پیروزباهیان ئاراستەی پەرلەمانێ کورستانێ و جەنابێ سەروک (مسعود بارزانی) سەروکێ هەرێما کوردستانێ و جەنابێ (نێجیرڤان بارزانی) سەروکێ حکومەتا هەرێما کوردستانێ و هەمی گەلێ کوردستانێ دکەین و مە باوەریەکا موکوم هەیە کو سیستەمێ فیدرالیزمێ بو عێراقەکا چەند نەتەوە و ئول وچین و تەخێن جڤاکی یێن ژێک جودا دناڤ خودا گرتین، باشترین چارەسەری و گرەنتییە بو پێکڤە ژیانێ دچارچوڤێ عیراقەکا ئێکگرتی دا، لسەر بنگەهێ ئێکگرتنەکا ئارەزومەندانە.

بریارا پەرلەمانێ کوردستانێ ل 4-10-1992ێ، بو راگەهاندنا فیدرالیزمێ، ژ ئێک لاڤە، د وان کاودانێن نازکدا، بریارەکا وێرەک و دیروکی بوو، ژبو دیارکرنا ئاوایێ پەیوەندی و پێکڤەژیانێ دگەل دەولەتا عیراقێ و مافەکێ سروشتی و قانونی یێ گەلێ کوردستانێ بوو، بریارا مافێ چارەنڤیسێ خو بدەت. ئەڤێ بریارێ، خەباتا گەلێ کوردستانێ ژ قوناغەکێ بەرەف قوناغەکا پێشکەفتی تر ڤەگوهاست و بوو بنگەهەکێ بهێز و موکوم بو دامەزراندنا سیستەمەکێ فیدرالی ل عیراقێ.

بریارا فیدرالیزمێ، بریارەکا سەرپێ و بلەز وبەز و ژ نیشکەکێڤە نەبوو، بەلکو خەبات و قوربانیدانا ب دەهان سالان و سەرهلدانا گەلێ کوردستانێ ل بهارا سالا (1991) ێ و ئێک رێزیا گەلێ کوردستانێ، چەندین پالدەر و فاکتەرێن سەرەک21سالان بسەر دەرچوونا ڤێ بریارێ دا، ژ هەمی لایەکێ سیاسی و جڤاکی تێتە خاستن، پتر ژ هەردەمەکی هەست ب وێ بەرپرسیاریێ بکەن ئەوا دکەڤیتە سەر ملێن وان بو پتر خورتکرنا ئێکرێزیا گەلێ مە، بو هندێ زەمینە خوشتربیت بو راگەهاندنا بریارەکا دی یا گرنگتر د دەم و کاودانێن گونجای دا.

- دوبارە ئەڤ بیرەوەریە ل هەمی لایەکی پیروزبیت......

- سەرکەفتن بو خەباتا رەوایا گەلێ کوردستانێ........

 

              پارتی دیموکراتی کوردستان

               لقێ 18 – ئامێدیێ

                3-10-2013