سه‌ربه‌ست بابیرى به‌رپرسێ لقێ17 سه‌رپه‌رشتیا كومبوونه‌كا ده‌زگه‌هێن ئێمناهیێ یێن ده‌ڤه‌را روژئاڤا دیجله‌ كر

ئه‌ڤرو سه‌ربه‌ست بابیرى به‌رپرسێ لقێ هه‌ڤده‌ یێ پارتى دیموكراتى كوردستان سه‌رپه‌رشتیا كومبوونه‌كا ده‌زگه‌هێن ئێمناهیێ یێن ده‌ڤه‌را روژئاڤا دیجله‌ كربو په‌یداكرنا هه‌ماهه‌نگیێ دناڤبه‌را ده‌زگه‌هێن ئێمناهیێ و حزبى و ئیدارى یێن ده‌ڤه‌رێً بو پاراستنا سامان و گیانێ وه‌لاتیان .

 هه‌ر دڤێ كومبوونێدا به‌رپرسێ لقێ هه‌ڤده‌ یێ پارتى ته‌ئكید لسه‌ر پێكڤه‌ كاركرنێ و هه‌ماهه‌نگیێ دناڤبه‌را لایه‌نێن په‌یوه‌ندیدار كر بو پاراستنا ئێمناهیا ده‌ڤه‌رێ و نه‌هێلانا هه‌ر بزاڤه‌كا ژلایێ تیرورستان ڤه‌ بو تێكدانا ئارامیا ده‌ڤه‌رێ و راگه‌هاند ژى پێدڤییه‌ پلانێن هه‌ڤپشك و رێك و پێك بهێنه‌ دانان بو به‌رسینكگرتنا پیلانێن گروپێن تیرورستى و نه‌هێلانا چ ده‌لیڤه‌یه‌كێ بو تێكدانا ره‌وشا ته‌نا یا ده‌ڤه‌رێ.