ب هه‌لكه‌فتا یوبیلا زێرینا ئێزگێ ده‌نگێ كوردستانێ لقێ 18 یێ پارتی بروسكه‌ك پیرۆزباهیێ پێشكێشكر
ئامێدی/ ب هه‌لكه‌فتا یوبیلا زێرینا ئێزگێ ده‌نگێ كوردستانێ لقێ هه‌ژده یێ پارتی دیمۆكراتی كوردستان بروسكه‌ك پیرۆزباهیێ پێشكێشی هه‌می كادر و كارمه‌ندێن ئێزگێ ده‌نگێ كوردستانێ كر و ئه‌ڤه ناڤه‌رۆكا وێ: ب هه‌لكه‌فتا سالڤه‌گه‌را یوبیلا زێرینا ئێزگێ ده‌نگێ كوردستان، ئه‌م بناڤێ لقێ هه‌ژده و جه‌ماوه‌رێ ده‌ڤه‌را ئامێدیێ پر ژ دل پیرۆزباهیێن خۆ دگه‌هینینه هه‌می كادر و كارمه‌ندێت هه‌وه یێن خه‌باتكه‌ر و داخازا مه هه‌رده‌م پێشڤه‌چوون و وه‌رارا ڤێ ناڤه‌ندێ یه كو ل هه‌می قۆناغێت ژیانا خۆ پێشه‌نگا كاروانێ راگه‌هاندنا شورشگێری بوویه و دژیێ خۆ یێ پێنجی سالیێ دا ئه‌ڤ ئێزگه بوویه خاندنگه‌هه‌كا ب هێز بۆ پێگه‌هاندنا راگه‌هاندنا كوردی و ب ئامیرێت گه‌له‌ك ساده شیا ده‌نگێ كوردان ب گه‌هینیته جیهانا ده‌رڤه و دۆزا كوردی ب جیهانێ بده‌ته نیاسین و هه‌روه‌سا دیرۆكا خه‌بات و به‌رخۆدانا گه‌لێ كوردستانێ تۆمار بكه‌ت و ئێزگێ ده‌نگێ كوردستانێ ژێده‌ره‌ك باوه‌ر پێكریه بۆ دیرۆكا كوردان.
