داخویانیا لقێ 18 ب هەلكەفتا ب داوی هاتنا پروسا هەلبژارتنان

بناڤێ خودێ مەزن ودلوڤان

جەماوەرێ خەباتكارێ دەڤەرا ئامێدیێ

گومان تێدا نینە، كو هەوە رولەكێ بەرچاڤ هەبوویە، دهەمی شورەش و سەرهلدانێن گەلێ مەدا، بو سەركەفتنا دوزا رەوایا گەلێ مە، هەوە هەمی ئاوایێن خەبات و تێكوشینێ گرتینە بەر و بهزاران شەهید و قوربانی هەوە پێشكێش كرینە.

مێرخاسی و چەلەنگی و داستانێن هەوە دوست و دوژمن حێبەتی كرینە و بڤێ چەندێ ژی سەرێ هەوە هندی بلنداهیا گارە و مەتینی بلند بوویە و هوین هەمی دەما ل جهێ رێز و سوپاسیا گەلێ كوردستانێ بووینە.

جەماوەرێ خوشتڤی ...

ئەڤرو ژی د ڤان هەلبژارتنێن پەرلەمانێ كوردستانێ دا، هەوە جارەكا دی سەلماندەڤە كو هوین هێڤێنن بو پاراستنا ئەزمونا دیموكراسیا گەلێ كوردستانێ و هەوە جارەكا دی دوپاتكرەڤە كو هوین نەبەس وەفادارێن رێبازا پیروزا پارتی و بارزانی نە، بەلكو هوین خودانێن ڤێ رێبازێ نە و ئەڤ رێبازە ل سەر دەستێن هەوە روژ ب روژ گەشتر و پیروزتر دبیت.

لەوما ب هەلكەفتا سەركەتنا هەلبژارتنان ئەم پر ژ دل پیروزباهیان ئاراستەی جەنابێ سە روكێ خوشتڤی (مسعود بارزانی) و جەنابێ جێگرێ وی (نیچیرڤان بارزانی) و مەكتەبا سیاسی و هەوەیێن رێزدار دكەین و سوپاسیێن بێ سنور ێن لقا مە پێشكێشی هەوەیێن هێژا ئێك ئێكە دكەین و مە باوەریەكا مەزن هەیە ب هاریكاری و پشتەڤانیا هەوە هەردەم سەركەفتن بەهرا گەلێ مە و پارتیا هەوەیە پارتی دیموكراتی كوردستان.

ل دووماهیێ دووبارە سلاڤ و رێز و سوپاسیان ئاراستەی هەوەیێن هێژا دكەینەڤە و هەر بمینن دبن چاڤدێریا خودایێ مەزن دا.

 

          پارتی دیموكراتی كوردستان

            لقێ 18 – ئامێدیێ

            29/9/2013