لقێ ئێك سوپاسنامه‌ك ئاراسته‌ی خه‌لكێ دهوكێ كر
دهوك - KDP.info/ هەلبژارتنێن پەرلەمانێ كوردستانێ ل رۆژا 21/9/2013ێ ل سنورێ پارێزگەها دهوكێ ب رەنگەكێ شارستانی و دیموكراسی و ئازادانە ژلایێ جەماوەرێ شەرەفمەندێ دهوكێ ڤە هاتنە ئەنجامدان.
جهێ شانازیێ یە خەلكێ دهوكێ بێی جوداهیێن سیاسی و ئولی و نەتەوەیی و ب ئازادانە دەربرین ژ هەست و ڤیانا خۆ كر و ل ئاستێ بەرپرسیارەتیا نیشتیمانی و نەتەوەیی بەشداری هەلبژارتنان بوون و دەنگ دانە لیستا (110) یا پارتی دیموكراتی كوردستان كو دەربرینێ ژ پاراستنا ماف و بەرژەوەندێن خەلكێ كوردستانێ دكەت.
سوپاسیێن ژ هەژی بۆ پشتەڤانی یا گشت چین و تەخێن جەماوەرێ دهوكێ و ریه سپی و ماقیل و كەسایەتی، و هێزێن ئێمناهیێ و نافخویی و هەمی دام و دەزگایێن حكومی و رێكخراوێن جڤاكێ سڤێل و سەندیكا ودەزگایێن راگەهاندنێ و چالاكڤانێن تورا فەیسبوكی و گەنج و لاوو و قوتابی و ئافرەتان بۆ بەشدارییا وان یا ئەكتیڤ و كارا د سەركەفتنا پروسا هەلبژارتنادا.
رێز و سوپاسی بۆ بەشداریا پێشمەرگە و مالباتێن شەهیدان و ماندیبوونا كادر و ئەندام و لایەنگرێن پارتی دیموكراتی كوردستان ژ بۆ سەركەفتن و زامنكرنا لیستا 110 و بەرەف كوردستانەكا گەشتر.
لقێ ئێك
پارتی دیموكراتی كوردستان
24/9/2013
