قونسلی كوماریا توركیا سەرا لقێ14 یێ پارتی دا

موسل - KDP.info/ عسمه‌ت ره‌جه‌ب به‌رپرسێ لقێ چارده‌ یێ پارتى دیمۆكراتى كوردستان ل پارێزگه‌ها مویسل ب خێرهاتنا ئوزتورك یه‌لماز  كونسلێ نوى یێ توركیا ل پارێزگه‌ها مویسل كر و ل سه‌ر گرنگیا په‌یوه‌ندیێن دناڤبه‌را هه‌رێما كوردستانێ و كومارا توركیا ب گشتى و په‌یوه‌ندیێن كونسلێ توركیا ل مویسل و لقێ چارده‌ یێ پارتى دیمۆكراتى كوردستان ب تایبه‌تى و گوت ژى ئه‌م كار دكه‌ین بۆ پێشڤه‌برن و باشتركرنا ڤان په‌یوه‌ندیان.

 هه‌روه‌سا ئاماژه‌ ب هه‌لویستێن باش یێن كۆمارا توركیا به‌رامبه‌ر هه‌رێما كوردستانێ و هه‌لویستێ ئه‌رینیێ كونسلێ توركیا بۆ ره‌وشا مویسل و خه‌لكێ وێ.
ژ لایێ خۆ ڤه‌ كونسلێ كۆمارا توركیا ئوزتورك یه‌لمازى سوپاسیا عسمه‌ت ره‌جب كر بۆ ڤێ ب خێرهاتنا گه‌رم و ته‌ئكید كر كو توركیا دخوازیت هاریكاریا پرۆسه‌سا سیاسیا عێراقێ و كوردستانێ ب تایبه‌تى بكه‌ت وگوت ئه‌م كار دكه‌ین بۆ به‌لاڤكرنا ره‌وشه‌نبیریا لێك بورین و پێكڤه‌ژیانێ د ناڤبه‌را هه‌مى پێكهاته‌یێن عێراقێ.

 هه‌روه‌سا كونسلێ توركى ئاماژه‌ ب هه‌لبژارتنێن جڤاتا پارێزگه‌ها مویسل و رۆلێ لیستا برایه‌تى و پێكڤه‌ژیانێ بلند نرخاند د بیاڤێ پێكێشكرنا خزمه‌تگوزاران دا بۆ هه‌مى خه‌لكێ پارێزگه‌هێ بێ جوداهى.

دیسا بۆ پرسا هه‌لبژارتنێن هه‌رێما كوردستانێ كونسلى گوت: گه‌لێ كوردستانێ د ڤێ هه‌لبژارتنێ دا رویێ گه‌شێ شارستانیا خۆ نیشا جیهانێ دا چ جوداهى د گه‌ل هه‌لبژارتنێن جیهانى دا نه‌بوون.