ل شێلادزێ ئاهه‌نگه‌كا جه‌ماوه‌رى بو لیستا 110 یا (پ.د.ک) و كاندیدێ ژماره 87 هاته سازكرن
قەدش - KDP.info/ دبه‌رده‌وامیا بانگاشا هه‌لبژارتنێن په‌رله‌مانێ كوردستانێ دا و ب ئاماده‌بونا رێز فه‌ریق فاروق به‌رپرسێ لقێ 18 و هژماره‌كا زورا به‌رپرسێن داموده‌زگه‌هێن میرى وحزبى ل ده‌ڤه‌رێ و ماقول و كه‌سایه‌تى و جه‌ماوه‌ره‌كێ زور لیژنا پشته‌ڤانێن دكتورعبدالله رێكانى ب هه‌ڤكارى دگه‌ل لیژنا ناوچا شێلادزێ یا pdk ل كومه‌لگه‌ها شێلادزێ سازكر ل ئێڤارا روژا سێشەمبی رێکەفتی ١٧/٩/٢٠١٣.
لبه‌راهیێ ده‌قیقه‌یه‌كێ راوه‌ستیان رێزگرتن بو گیانێ پاقژێ شه‌هیدێن كوردو كوردستانێ بێ ده‌نگى راوه‌ستیان و پاشى برگێن ئاهه‌نگێ ده‌ستپێكرن و په‌یڤه‌ك ژئالیێ به‌رپرسێ لقێ 18ڤه هاته خاندن و به‌رنامێ لیستا پارتى دیموكراتى كوردستان بو ئاهه‌نگڤانان دادیاركرن و باس ل وێ خه‌بات و ماندیبونا خه‌لكێ ده‌ڤه‌رێ دهه‌ردوو شوره‌شێن گولان و ئه‌یلولێ دا كر كو ب هه‌موو ئالیان ڤه تێدا دبه‌شداربوون و داخواز ژخه‌لكێ ده‌ڤه‌رێ كركو ده‌نگێ خوبده‌نه لیستا 110 یا پارتى دیموركاتى كوردستان داكو به‌ره‌ف كوردستانه‌كا گه‌شترڤه بچین .
ل دووڤ دکتور عبد‌الله جاسم رێكانى كاندیدێ هژماره 87 په‌یڤه‌ك پێشكێشكرو لدووڤدا نمایشه‌ك لسه‌ر ده‌نگدان بو لیستا110 و هژماره 87 هاته ئه‌نجام دان ژئالیێ چه‌ند زارویانڤە و هوزانه‌ك ژئالیێ هه‌لبه‌ستڤان بورهان زێبارى ڤه هاته خواندن و ل دووماهیا ئاهه‌نگێ ب ده‌نگێ زه‌لالێ هونه‌رمه‌ندان لوقمان رێكانى و ئاشتى زێوه‌ى و عه‌زیز رێكانى چه‌ندین ستران هاتنه گووتن شاهى لبه‌رهاته كرن .
