ب بەرهەڤبوونا شێخ ئه‌دهه‌م بارزانى و لژێر چاڤدێریا بەرپرسێ لقێ ١٨ پێشانگه‌ها وێنێت شه‌هیدێن گوندێ دووتازا هاتەڤەکرن
دبه‌رده‌وامیا سه‌ره‌دانا خودا بوده‌ڤه‌رێ ئیرو شێخ ئه‌دهه‌م بارزانى ئه‌ندامێ سه‌ركردایه‌تیا پارتى دیموكراتى كوردستان وبه‌رپرسێ میحوه‌رێ هه‌لبژارتنان ل قه‌زا ئامێدیێ ب ئاماده‌بونا هێژایان فه‌ریق فاروق به‌رپرسێ لقا18یا پارتى ومحه‌مه‌د محسن به‌رپرسێ بەرێ یێ لقا18ومسته‌فا نێروه‌یى به‌رپرسێ ده‌زگایێ ئه‌یلول و نسره‌ت بادى رێڤه‌به‌رێ شه‌هیدو ئه‌نفالكریا وژماره‌كا مه‌زنا به‌رپرسێن میرى وحزبى وخه‌لكێ خوراگرێ گوندێ دووتازا وبهه‌لكه‌فتا بیره‌وه‌ریا شوره‌شا ئه‌یلولا مه‌زن ولژێر چاڤدێریا به‌رپرسێ لقێ 18پیشانگه‌ها وێنێن 70 شه‌هیدێن گوندێ دووتازا ل هولا بێناتا ل كومه‌لگه‌ها قه‌دشێ هاته‌ڤه‌كرن لروژا سێشەمبی رێکەفتی ١٧/٩/٢٠١٣.
ل ده‌ستپێكێ پێشانگەهـ ژلایێ شێخ ئه‌دهه‌م بارزانى و ئێک ژ دایکێن شەهیدان هاتەڤەکرن لدووڤدا ئاماده‌بویان گه‌ریانه‌ك دناڤ پێشانگه‌هێ داكر وپاشان خوله‌كه‌ك راوه‌ستیان لسه‌ر گیانێ پاكێ شه‌هێدان وسه‌روه‌رێ وان بارزانیێ نه‌مر وكاك ئدریسێ هه‌رده‌م ساخ راوەستان و په‌یڤا گوندێ دوتازا و بنەمالین شەهییدان هاته خاندن .
پاشان شێخ ئه‌دهه‌م بارزانى په‌یڤه‌ك پێشكێشكر دپه‌یڤا خودا به‌حسێ قوربانى دانا خه‌لكێ گوندێ دووتازا كر وئه‌و شه‌هیدێن ڤى گوندى داین دیسان به‌حسێ قاره‌مانیا خه‌لكێ گوندێ دووتازا كر ودیاركر هه‌ر ژده‌ست پێكا شوره‌شێن مالا بارزان خه‌لكێ ڤى گوندى پشكدارى دشوره‌شێن بنه‌مالا بارزان داكریه وروله‌كێ مه‌زن وبه‌رچاف گێرایه درزگاركرنا خاكا كوردستانێ دا وگوت جهێ سه‌رفرازیێ یه ئه‌ز ئیرو پشكدارى ڤێ پێشانگه‌هێ بویم وگوت بارزانیێ نه‌مر ناڤێ ڤى گوندى كریه ناڤێ گوندێ شه‌هیدا وده‌ما بارزانیێ نه‌مر شه‌هیدا گوندێ دووتازا نه‌سرین دیتى ده‌ما دگه‌ل پێنج زاروكێن خو ژئه‌گه‌رێ هێرشا فروكه‌كا دوژمنى شه‌هید بوى روندك مینا دلوپێن بارانێ ژچاڤێن سه‌روك بارزانى هاتنه خارێ ، دئالیه‌كێ دیێ په‌یڤاخودا به‌حسێ هه‌وا پروپاكنده‌یا هه‌لبژارتنان كر وداخازكر ب ئارامى ول دیڤ رێنمایان پروپاكنده بهێته‌كرن وداخاز ژهه‌موو خه‌لكێ گوندى كر كر ل 21 ڤێ مه‌هێ به‌ره‌ف سندوقێن ده‌نگدانێ بچن وده‌نگى بده‌نه‌لیستا ژمارا 110 وكاندیدێن وێ وب ئانه‌هیا خودێ ب پشته‌ڤانیا خه‌لكێ مه پارتى دێ هه‌موو قوناغا بریت ودێ سه‌ركه‌فتنه‌كا مه‌زن ئینیت .
ژئالیه‌كێ دى به‌رێز محه‌مه‌د محسن په‌یڤه‌ك پێشكێشكر ودپه‌یڤا خودا به‌حسێ قه‌هره‌مانیا شه‌هیدان و خه‌لكێ گوندێ دووتازا كر وگوت به‌رێخودانا وێنێن ڤان شه‌هیدا رێبازا پارتى ل بیرامه دئینیت وگوت ل ده‌ستپێكا شوره‌شا بنه‌مالا بارزان خه‌لكێ دووتازا پشكدارى دشوره‌شان داكریه ورولێ وان چ جار ناهێته زبیركرن وگوت ئه‌م سه‌رفرازین ب شه‌هیدێن وه وهیڤیه مینومێنت وه‌ك رێزگرتن بو شه‌هیدێن هەمی گوند ودەڤەرا بهێنه دروستكرن وهه‌رسال ئه‌ف پێشانگه‌هه دبه‌رده‌وام بن ودیاركر ئه‌ف شه‌هیده نه‌ب ته‌نێ شه‌هیدێن گوندێ دووتازانه به‌لكى شه‌هیدێن هه‌موو كوردستانێ نه دیسان دیاركر وداخاز ژئاماده‌بویان كر ل روژا ده‌نگدانێ هشیاربن وده‌نگێ خوبده‌نه پارتى وگوت هشیارى وان كه‌سان بن یێن خاندنێ نه‌زانن ودگه‌ل هه‌فكاربن دا ئه‌وژى ب دروستى ده‌نگێ خو بده‌ن دیسان ل داویێ به‌حسێ وان پلانان كر یێن لایه‌نێن دیێن سیاسى دژى پارتى دگێرن تایبه‌ت بزاڤا گوران وگوت ب ئانه‌هیا خودێ لیسا 110 وپارتى دێ سه‌ركه‌فتنه‌كا مه‌زن ئینیت .
ژئالیه‌كێ دى ڤه ماموستا شعبان رمضان ئێك ژوان گونجێن ئه‌ف پێشانگه‌هه به‌رهه‌فكرى گوت: مه گه‌له‌ك ماندیبون دیت تاكو مه‌ئه‌ف پێشانگه‌هه ڤه‌كرى وتامه وێنێن 70 شه‌هیدان به‌رهه‌فكرینە لێ بومه جهێ سه‌ربلندیێ یه ئیرو ئه‌م ڤێ خزمه‌تێ بكه‌ین ورێباز وخه‌باتا ڤان شه‌هیدان بو خه‌لكه‌كى بده‌ینه به‌رچافكرن وئه‌م دێ دبه‌رده‌وام بین لسه‌ر ڤه‌كرنا ڤێ پێشانگه‌هێ وپشكداریا شێخ ئه‌دهه‌م بارزانى ولقا18شه‌ره‌فه‌كا مه‌زنه بوخه‌لكێ گوندێ دووتازا .
دیسان دایكا شه‌هیده‌كێ كوبه‌رهه‌ڤى ڤێ پێشانگه‌هێ ببو بومه دیاركر ئه‌ز یاسه‌ربلندم من وێنێ كورێ خو دگه‌ل ڤان شه‌هیدا دیتى وئه‌ز یابه‌رهه‌ڤم كورێن دى یێن ماین ژى بكه‌مه قوربانى سه‌روك بارزانى وپارتى دیموكراتى كوردستان وئه‌ز دێ ده‌نگى ده‌مه لیستا110یا پارتى داكو خوینا شه‌هیدێن مه ب هه‌روه نه‌چیت.
