ئاهنگەك بو پشتگیریا کاندیدێن لیستا ١١٠ ل كانى ماسێ هاتە گێران
ب ئامادەبونا بەرێز فەریق فاروق بەرپرسێ لقى 18 و هەردوو كاندێدین لیستا ژمارە 110یا پارتى دیموكراتى كوردستان عبدالسلام بەروارى و على سپیندارى و جەماوەرەكێ زور یێ دەڤەرا بەروارى بالا د چارچوڤێ بانگەشەیا هەلبژارتنان ئاهەنگەكا دانەنیاسینا كاندیدان ل هولا بیرەوەریا ل كانى ماسێ هاتە سازكرن ل روژا دووشەمبی رێکەفتی ١٦/٩/٢٠١٣.
ل دەسپێكى بەرپرسێ لقى18 ب خێرهاتنا هەردوو كاندێدێن سنورێ قەزا ئامیدێ و ئامادوبویان كرن و باشێ دەلیڤە دا هەر ئێك ژ عبدالسلام بەروارى كاندیدێ ژمارە 86 و على سپیندارى كاندیێ ژمارە 58 هەرئێكی جودا جودا خوە بو ئامادەبویان دا نیاسین و بەرنامە و كارێ خوە بو ئایندەى ل بەرلەمانێ كوردستانێ شروڤەكرن.
پاشى فەریق فاروق د پەیڤا خوە دا بدریژى لسەر دیروكا خەباتا پرێ سەروەرى یا پارتێ دیموكراتى كوردستان ئاخفت و گوت ئەگەر ئەم باس ل خەباتا قوربانى دانا خوە بكەینە ڤە ئەم خودان خەباتەكا دویر و درێژین و ئەگەر ئەم باس ل شەهیدێن خوە بكەینەڤە مە هندى ئەندام و لایەنگرێن هندەک ژ پارتێن سیاسى ئەوین نوكە دگورەپانى دا ل كوردستانى ب هەبونا خوە دخورن مە شەهید هەنە ، دیسان ئەو دەستەكەفتێن بدەستى پارتێ هاتین دەست باژێر و گوندێن كوردستانێ شەهەدەیێ لسەر ڤێ د دەن ئەڤجا ژبو ڤێ خزمەت و خەباتا سالەهە سالا ل روژا دەنگدانى دەنگى خوە بدەنە لیستا پارتی یا ژمارە 110 و كاندیدین وێ .
ژ ئالیى خوە ڤە جەماوەرێ دەڤەرا بەروارى بالا ب ئێك دەست و ئیك دل گوتن دەنگى مە بو لیستا خەبات و بەرخوە دانى یە و دەنگێ مە بو پێشكەفتن و ئاڤەدانكرنێ و داد پەروەریێ یە دەنگێ مە بو لیستا ژمارە 110 لیستا پارتى دیموكراتى كوردستان .
ژ ئالیەكێ دى هەر ئەڤروكە بەرێز فەریق فاروق و شاندێ دگەلدا سەرەدانا چەندێن خیزانێن موسلمان ومەسیحیان ل كانى ماسێ و دێریشكى كرن و ژ نێزیك بسەر رەوشا سەرو بەرێ ژیارا وان ئاگەهداربوون .
