ل زاخو جل و به‌رگێن وه‌رزشى ل سه‌ر (300) تێمێن وه‌رزشى هاتنه به‌لاڤكرن
زاخو- KDP..info/ بو پتر خزمه‌تكرنا تیمێن وه‌رزشى ل باژێرێ زاخو و ب هه‌لكه‌فتاشوره‌شا ئه‌یلولا مه‌زن ب چاڤدێریا سه‌ربه‌ست له‌زگین به‌رپرسێ لقێ 8 پارتى دیموكراتى كوردستان و به‌رهه‌ڤبوونا كاندیدێن لیستا پارتى ل ده‌ڤه‌را زاخو ناڤه‌ندا بالا یا ئێكه‌تیا لاوێن كوردستانێ جل و به‌رگێن وه‌رزشى پێشكێشى پتر ژ (300) تیمێن وه‌رزشى كرن.
دپه‌یڤه‌كێ دا به‌رپرسێ لقێ ئاماژه ب ده‌ست كه‌فتێن شوره‌شا ئه‌یلولێ كر و گوت : ( شوره‌شا ئه‌یلولێ ب سه‌ركێشیا رێبه‌رێ نه‌ته‌وا كورد بارزانیێ نه‌مر شیان ئاخا كوردستانێ ب پارێزن و هیڤى و ئومێدێن ملله‌تێ كورد ب هێزتر ئێخستن و به‌رێ بنیاتى بو ملله‌تێ كورد دانا و دوژمن ناچار كر بهێت رێكه‌فتنێ دگه‌ل بارزانى بكه‌ت و دان پێدانێ ب چه‌ندین مافێن ره‌وایێن ملله‌تێ كورد بكه‌ت بشێوه‌كێ یاسایى ئه‌و ژى ب موركرنا رێكه‌فتنا مێژوویى یا (11 ئادارا سالا 1970) له‌ورا یا فه‌ر و پێدڤى یه گه‌نجێن مه دیروكا نه‌ته‌وا خو بخوینن و بزانن كو ئه‌ڤ ئازادى و پێشكه‌فتنا ئه‌ڤرو ل كوردستانێ ب هه‌روه نه‌هاتیه.
هه‌ر د درێژیا په‌یڤا خودا سه‌ربه‌ست له‌زگین گوت : ( ئه‌ڤرو ئه‌م ڤێ یادێ دناڤ پروسه‌یه‌كا گه‌له‌ك گرنگ دا ساخ دكه‌ین ئه‌و ژى ئه‌و ژى ئه‌نجام دانا هه‌لبژارتنێن په‌رله‌مانێ كوردستانێ یه و جهێ خوشحالیێ یه كا چه‌وا پارتى درابردوویى دا روله‌كێ كاریگه‌ر گێرا و پشكا شێرى ژ خه‌بات و قورباندانێ به‌هرا پارتى بو ئه‌ڤرو ژى پارتى پاراستنا وان ده‌ستكه‌فتان و ئاڤه‌دانكرنا كوردستانێ ب ئه‌ركێ خو دزانیت و داخاز ژ گه‌نج و وه‌رزشڤانێن ئاماده‌بووى كر كو ب گه‌رمى به‌شداریێ دهه‌لبژراتنا دا بكه‌ن و ب ده‌نگێ خو بده‌نه لستا پارتى ژماره (110) چونكى ڤێ لیستێ شیانێن پاشه‌روژه‌كا گه‌شتر بو كوردستانێ هه‌یه.
ل دیڤدا كاندیدێن لیستا پارتى ل ده‌ڤه‌را زاخو خو بو ئاماده‌بوویان دانه نیاسین و سوز دان ئه‌گه‌ر باوه‌ریا جه‌ماوه‌رى بده‌ستڤه ئیناى ل جهێ وێ باوه‌ریێ بن و دخزمه‌تا خه‌لكێ خوشتڤیێ كوردستانێ دا بن و ل دووماهیێ جل و به‌رگ وه‌رزشى پێشكێشى پتر ژ (300) تیمێن وه‌رزشى كرن.
