به‌رپرسێ لقێ 18 یێ پارتى و محمد محسن رۆلێ پێشمه‌گه‌ریێن شوره‌شا ئیلونێ بلند نرخاند
KDP.info/ د سمیناره‌كى لگه‌ل پێشمه‌رگه‌یێن شوره‌شا ئیلون و گولانێ یێن سنورێ ناوچه‌یێن دێره‌لۆك و شێلادزێ و سیریێ فه‌ریق فاروق به‌رپرسێ لقێ 18یێ پارتى و مه‌حه‌مه‌د موحسن به‌رپرسێ به‌رێ یێ لقێ هه‌ژده وئەندامێ ژورا هەلبژارتنان لسنورێ لقێ ١٨ و ل هولا ئالان بگرنگى رۆلێ پێشمه‌رگه‌یێن شوره‌شا ئیلونێ نرخاند و ته‌كه‌زكر كو ئه‌ڤ ئازادیا ئه‌ڤرۆ ئەم تێدا به‌رهه‌مێ شوره‌شا ئیلون وگولانێ بوویه.
دڤێ سمینارێدا كو ب هه‌لكه‌فتا 52 سالڤه‌گه‌را شوره‌شا ئیلونێ هاتبوو رێكخستن فه‌ریق فاروق دیاركر، كو شوره‌شا ئیلونێ ب سەرکرداتیا بارزانیێ نه‌مر شیا دده‌مه‌كێ كێم دا سه‌رانسه‌رێ كوردستانا عیراقێ ڤه‌بگریت و ترسه‌كا مه‌زن ئێخسته دلێ رژێما عیراقێ دا و شیا ده‌ستكه‌فتێن مه‌زن ب ده‌ست ڤه بینیت و مه‌زنترین ده‌ستكه‌فت ژى ئه‌ڤ ئازادیه یا كو ئه‌ڤرۆ ئه‌م تێدا و ئه‌ڤ دیموكراتیه یا ئه‌ڤرۆ ته‌ڤایا لایه‌نێن كوردستانى پێ شاد بووین.
دیسان ناڤبرى تیشك ئێخستنه سه‌ر رولێ خه‌لكێ ده‌ڤه‌را دێره‌لۆك د شوره‌شان دا و گۆت: ( ئه‌ڤێ ده‌ڤه‌رێ گه‌له‌ك قوربانى دانه و سه‌دان گوندێن ڤێ ده‌ڤه‌رێ هاتینه سوتن و وێرانكرن و ئه‌نفالكرن و هه‌موو خه‌لكێ ڤێ ده‌ڤه‌رێ به‌شدارى كریه د شوره‌شێن كوردى دا ژ پێخمه‌ت ب ده‌ستڤه‌ئینانا ئازادیێ ژ به‌ر وێ یه‌كێ ژى پێدڤیه رولێ خه‌لكێ ڤێ ده‌ڤه‌رێ نه‌هێته ژبیركرن).
ده‌ربارێ هه‌لبژارتنان ناڤبرى خویاكر، كو به‌ربژێرێن پارتى و لیستا 110 هه‌موو خودان شیانن و ژ به‌ر وێ یه‌كێ ئه‌و دێ شێن مافێن هه‌وه پارێزن دپه‌رله‌مانى دا و راستڤه‌كرنا یاسایێن گرێدایى ب پێشمه‌رگه‌یان و خانه‌نشینان و ل ڤێرێ ژى پێدڤیه مرۆڤ ده‌نگێ خوه بده‌ته ویژدانا خوه و گۆت: ( داكو ئه‌و خه‌باتا هه‌وه ئه‌نجامدایى ب به‌رئاڤێ دا نه‌چیت وئه‌زمونا هه‌رێما كوردستانێ یا پاراستى بیت وده‌ستێن دوژمنان نه‌هێنه ناڤ وه‌لاتێ مه پێدڤیه ئه‌م كاندیدێن پارتى بكه‌ینه نوونه‌رێن خوه وده‌نگێ مه بۆ لیستا 110 بیت).\
