ئاكرێ: به‌رپرسێ لقێ 9یا پارتى سمیناره‌ك بو هژماره‌كا جه‌ماوه‌رێ ده‌ڤه‌را نه‌هلێ و دینارته‌ پێشكێشكر

ئاکرێ KDP.info/ ئه‌ڤرو سه‌ربه‌ست تروانشى به‌رپرسێ لقێ نه‌هێ پارتى ل ئاكرێ  سمیناره‌ك بو هژماره‌كا زورا جه‌ماوه‌رێ ده‌ڤه‌را نه‌هلێ ودینارته‌ پێشكێشكروتێدا به‌حسێ بیره‌وه‌ریا پێنجى ودووسالیا ده‌ستپێكرناشوره‌شا مه‌زنا ئه‌یلولێ ورولێ پێشمه‌رگه‌هێن قه‌هره‌مان دوێ شوره‌شێدا ب سه‌ركردایه‌تیا بارزانیێ نه‌مر بو ب ده‌ستڤه‌ ئینانا مافێن خه‌لكێ كوردستانێ و گووت له‌ورا فه‌ره‌ ته‌خ وچینێن جڤاكى دهه‌لبژارتنێن په‌رله‌مانێ كوردستانێ دا پشكداریێ بكه‌ن بوسه‌رئێخستنا لیستا سه‌دوده‌ه لیستا پارتى دیموكراتى كوردستان وبه‌ربژێرێن وێ وهیڤى خواست كو هه‌مى ب دلسوزى ئه‌ركێ خو بجه بینین بو گه‌هاندناپه‌یاما لیستا سه‌دوده‌ه چونكه‌ لیستا ئێكانه‌یه‌ بو بجه ئینانا هیڤى وئومێدان وئاڤه‌دانیا كوردستانێ وزڤراندنا ده‌ڤه‌رێن كوردستانى یێن ده‌رڤه‌یێ هه‌رێمێ .

لدویڤدا به‌حسێ پروسێسا ئاڤه‌دانكرنا هه‌رێما كوردستانێ  و خزمه‌تكرنا وه‌لاتییان كركو كه‌لتورێ پارتى و رێبازا بارزانیێ نه‌مره‌ كو ئه‌ڤرو پێكهاتێن كوردستانێ ب برایه‌تى پێكڤه‌ دژین و هیڤى خواست كو جه‌ماوه‌رێ ده‌ڤه‌رێ قه‌ستا سندوقێن ده‌نگدانێ بكه‌ن ب گه‌رماتیا جاران و لیستا پارتى دیموكراتى كوردستان كو لیستا خه‌بات و قوربانیدان و شه‌هیدایه‌ ژبیرنه‌كه‌ن و لیستا سه‌دو ده‌ه و به‌ربژێرێن وێ هه‌لبژێرن ، لدویماهیێ به‌رهه‌ڤبوویان سوزدا كو چه‌وا دقوناغێن خه‌باتێ دا پشته‌ڤانێن رێبازا بارزانى بوون ئه‌ڤروژى دێ ب هه‌مان گیان پشته‌ڤانێن لیستا پارتى دیموكراتى كوردستان سه‌دو ده‌ه بن.