به‌رپرسێ لقێ 14 یێ پارتی دگه‌ل ئه‌ندامێن جڤاتا پارێزگه‌ها مویسل كومبوو

مویسل KDP.info/ ب سه‌روكاتیا عسمه‌ت ره‌جه‌ب به‌رپرسێ لقێ چارده‌ یێ پارتی دیموكراتی كوردستان و سه‌روكێ لیستا برایه‌تی و پێكڤه‌ ژیانێدگه‌ل هه‌می ئه‌ندامێن جڤاتا پارێزگه‌ها مویسل یێن سه‌ر ب لیستا برایه‌تی و پێكڤه‌ ژیانێ كومبوو .

 د وێ كومبوونێ دا به‌حسێ ره‌وشا پارێزگه‌ها مویسل ب گشتی و ره‌وشا ئێمناهیێ و باشتركرنا كارێ هه‌ڤپشكێ دام و ده‌زگه‌هێن میری و پێشكێشكرنا باشترین خزمه‌تگوزاراین بو خه‌لكێ ده‌ڤه‌رێ و ئه‌نجامدانا پروژێن گرنگ دبیاڤێن جودا یێن ژیانێ دا بو خه‌لكێ ده‌ڤه‌رێ ب گشتی هاته‌كرن .

 د په‌یڤه‌كێ دا به‌رپرسێ لقێ چارده‌ یێ پارتی دیموكراتی كوردستان ئه‌ندامێن جڤاتا پارێزگه‌ها مویسل یێن سه‌ر ب لیستا برایه‌تی و پێكڤه‌ ژیانێ هاندان كو لسه‌ر بنه‌مایێ ته‌وافقێ و لێك تێگه‌هشتنێ و پێكڤه‌ كاركرنێ كاربكه‌ن و خو ل ئاریشه‌ و كێم و كاسیێن خه‌كلی بكه‌نه‌ خودان هه‌روه‌سا كاربكه‌ن بو ئه‌نجامدانا پروژێن خزمه‌تگوزاری و پێشكێشكرنا خزمه‌تێن جودا بو خه‌لكێ پارێزگه‌ها مویسل ب گشتی و ده‌ڤه‌رێن كوردستانی یێن ده‌رڤه‌ی هه‌رێمێ ب تایبه‌تی.