شاندەكێ لقا ئێك پشكداری د ئاهەنگێن جەماوەری ل بازارێ دهوكێ دبیت
دهوك KDP.info/ ئەندامێ ئەنجومەنێ سەركردایەتیا پارتی عبدالخالق بابیری و شاندەكێ كارگێریا لقا ئێك بەشداری دئاهەنگا جەماوەری یا ناڤا بازارێ دهوكێ بون ئەڤا هاتیە گێران ژلایێ سەندیكا هونەرمەندێن كوردستانێ ڤە ژبو پشتەڤانیا لیستا (110)یا پارتی دیموكراتی كوردستان و كاندیدێن وێ.
گێرانا ڤێ ئاهەنگێ ژلایێ وان ڤە ئەو خو گەشبین دبینن دسەركەفتنا ڤی لیستێ دا و سەر خەبونا مللەتێ كورد د ئایندێ پارتی دیموكراتی كوردستان دا دبینن لەورا ئەڤ ئاهەنگە گێرایە و پشتەڤانی ل لیستا (110)پارتی و كاندیدێن وێ دكەن.
دپەیڤەكێ دا بەرپرسێ لقا ئێك یا پارتی سوپاسیا پشتەڤان و جەماوەرێن پارتی كر بو ڤان هەلویستێن وان یێن دلسوزانە و گوت:پروسەیا هەلبژارتنا سیمایێ دیموكراسیە تێ یە و ئەڤ پروسەیە ل كوردستانێ دێ هێتە ئەنجامدان ئەڤەژی نیشانا پێشڤەچونێ یە نەخاسمە كاودانێن ئەڤرو یێن هەرێما كوردستانێ پێویستی ب هندێ هەیە كو قوناغەكا باشتر بو سیمایێ وێ بینینە پێش و گەشتر لێبكەین و لسەر ئاستێ دەڤەرێ و هەرێمێ و هەموو جیهانێ.
و گوت: خەلكێ باژێرێ دهوكێ گەلەك ب گەرمی چوینەدناڤا ڤێ پروسەیێدا نەخاسمە جەماوەرێ بشەرەفێ باژێرێ دهوكێ دقەناغێن خەباتا كوردیەتیێ دا تێكوشینا مرنێ دگەل پارتی كریە قوربانیژی بو سەربەخو و ئازادیا كوردستانێ دایە و د هەلبژارتنێن چوییدا ژی رولێن كارا هەبویە و دخازین ب هەمان گەرماتی بەشكداری پروسێ بن بو سەرئێخستنا لیستا (110) و كاندیدێن پارتی و گێرانا كەرنەڤالێن شادی و خوشیێ بو پشتەڤانیا پارتی سوپاسیێن بێ پاوان ئاراستەی هەموو جەماوەرێ دلسوزێ پارتی كر و هات گوتن ب ئانەهیا خودێ كوردستانەكا ئازاد و سەربەخو و دەولەتا نەتەوەی دێ ئاڤاكەین و ئەم هەمی پێگڤە تێدا ژین.
