پارتی بنگەهێ ئێكێ بویە یێ هەستا نەتەوەی و بارزانی سەركێش و رێبەر بو
د بانگەشەیا هەلبژارتنین پەرلەمانی و د بەرنامێ پروپاكندا لیستا پارتی یا ژمارە (110) ل رێكەفتی 10/9 د دوو دا بەرپرسێ لقا ئێك عبدالخالق بابیری سمینارێن جوداجودا بو ئەندام و جەماوەرێ و رێكخستێن پارتی ێن سنورێن ل.ن. فەیدیێ و بەرخودان پێشكیشكر و كاندیدێن سنورێ لقا ئێك بو بەرهەڤبویا دانەنیاسین.
ل دەسپێكێ ئیستیراجیەتا پارتی دا پاراستنا نەتەوا كوردە شلوڤەكر و ژبو دەڤەرێن داگیركری و ڤەگەراندنا وان گوت: پارتی هەمو هەولان دێ دەت ژبو لێكدانا جولوپوتیكا كوردستانێ و پروگرامێ پارتی تێكوشینێ بو دیموكراتی و ئازادبونا هەمو كوردستانێ دكەت و ئەم حازرین گیانێ خو گوری ڤێ ئاخێ بكەین و ب پشتەڤانیا مللەتێ خو چاوا كوردستان رزگاربوی ب هەمان شێوە دەولەتا نەتەوەییژی ئاڤابكەین و پارتی دەزگەهێن نەتەوەی ئاڤاكرینە ب پشتەڤانیا خەلكێ دلسوز ئەم دێ ئەنجامێن باش دەسڤەئنین، لەورا د خوازین ب هەمان وەفاداری قەستا جهێن دەنگدانێ بكەن و ژبو ئاڤەدانكرنا كوردستانێ و بابیری بەلێندا كاچاوا د قوناغێن جودا جودا دا بەرەڤانی ژ مللەتی كریە دبەردەوام بن و ب كەرماتی بن و چاوا سەروك بارزانی دروشمێ سەرخوبونا كوردستانێ بلندكریە و جسارەتا وی وەلات گەهشتیە ڤی ئاستی و ئەڤێن دژی هزرا ئاڤاكرنا دەولەتا نەتەوی ژی ئەو دژی مللەتێ خونە و پالێن داگیركەرێن خاكا مەنە و ئەڤەژی خالەكا ترسناكە, بەلێ هوین هەموو دزانن ئەو رێبەرێ شورەش لدیف شورەشێ كری و داستان توماركرین ئەڤرو دێ لسەر دەستێ وان دەولەت ژی ئاڤابیت و ماف ژی دێ دپاراستی بن و پشتەڤانیا هەوە بو لیستا ژمارە 110 یا پارتی و كاندیدێن وێ پشتەڤانیە ل رێبازا بارزانیێ باب و بەرگریە ل خوینا شەهیدان و مسوگەركرنا ئاڤەدانكرن و پروژێن خزمەت گوزارینە ل كوردستانێ.
ل داویێ بەرهەڤبویان پشتەڤانیا خو بو لیستا پارتی و كاندیدێن وێ دیاركر و سوزدان ب دلسوزیا جاران كەسێن خەمخور و هەژی بهەلبژێرن و هاتە گوتن:دەنگێ مە بو كەسێن خودان سەربور و خەمخورە.
