پەیاما لقێ ١٨ بهەلکەفتا سالڤەگەرا شوره‌شا ئیلونا مه‌زن
ب هه‌لكه‌فتا بیره‌وه‌ریا سالڤه‌گه‌را شوره‌شا ئیلونا مه‌زن، ب ناڤێ لقا18و جه‌ماوه‌رێ ده‌ڤه‌را ئامێدیێ گه‌رمترین پیروزباهیان ئاراسته‌ى جه‌نابێ سه‌روك بارزانى و سه‌ركردایه‌تیا پارتیامه پارتى دیموكراتى كوردستان و مالباتێن سه‌ربلندێن شه‌هیدان و هه‌مى پێشمه‌رگێن ڤێ شوره‌شا مه‌زن دكه‌ین.
به‌رى 52 سالان و دناڤ ره‌وشه‌كا پرى ئالوزیێن ناڤخو و ده‌رڤه‌دا ل 11/9/1961 و ب رێبه‌رى و سه‌روكاتیا سه‌ركردێ مه‌زن بارزانیێ نه‌مر و ب سه‌ركردایه‌تیا پارتى دیموكراتى كوردستان، ئێكه‌مین چریسكا شوره‌شێ هه‌لبو وه‌كى به‌رسڤه‌ك ژبو سیاسه‌تا چه‌وساندن و ته‌په‌سه‌رى و هه‌وێن قركرنێ كو دهاتنه په‌یره‌و كرن ژلایێ داگیركه‌رێن كوردستانێ ڤه ب دژى خه‌لكێ وێ یێ سڤیل و بێ گوننه‌هـ كو ل ده‌مه‌كى و دوژمنێن گه‌لێ كوردستانێ ئه‌ڤ چه‌نده هزر نه‌دكر و دخه‌یالا وان دا بو كو ده‌مه‌كێ كورت ئه‌و دێ هه‌مى ده‌نگێن ئازادیخوازێن كوردستانێ هێلنه بێ ئیراده و بێ ده‌نگ كو ئه‌ڤه‌ژى دیار بو هه‌ر پشتى ده‌مه‌كێ كێم ب هه‌لبونا ئاگرێ شوره‌شێ كو خه‌لكێ كوردستانێ ب هه‌مى پێكهاتێن خویێن نه‌ته‌وى و ئاینى و جڤاكى قه‌ستا شوره‌شێ كرن و ل دور ریبه‌رى و سه‌ركردایه‌تیا وێ كومڤه‌بوون و هه‌ر ل ده‌مژمێرێن ئێكێ یێن شوره‌شێ دا دوربێن مه‌زن و كوژه‌ك داوه‌شاندنه هێزێن دوژمنى و ئه‌ڤ شوره‌شه بو دهێته هژمارتن ب مه‌زنترین شوره‌ش ددیروكا هه‌ڤچه‌رخا گه‌لێ كوردستانێ دا و ئه‌ڤ شوره‌شه بو ده‌مه‌كێ كورت شیا پتر یا ڤێ پارچا كوردستانێ ل بن ده‌ستێن دوژمنێ داگیركه‌ر ڤه رزگاربكه‌ت وئیدارا شوره‌شێ ب شاهده‌یا هه‌مى چاڤدێرێن سیاسى وه‌كى حكومه‌ته‌كێ رێفه‌به‌ریا خو دكر ژهه‌مى لایه‌كێ ڤه و ئه‌ڤه بو جارا ئێكێ بو هه‌مى خه‌لكێ كوردستانێ بێ جوداهى ل زاخو تاكو خانه‌قین دئێك سه‌نگه‌رو چه‌په‌ردا خوینا خو گورى وه‌لاتێ خو بكه‌ن و دڤێ رێكا پیروزدا ب هزاران قه‌هره‌مان و سه‌ركرده و كادر پێگه‌هشتن و بوونه سه‌ركێشێن شوره‌شێ وڤێ شوره‌شێ وه‌ك باوه‌ریه‌كا نه‌گوهور كوردستان كره مه‌لبه‌ندێ پێكڤه ژیانێ و لێبورینێ ل ناڤبه‌را هه‌مى ئول و نه‌ته‌وا و ببو جهێ ڤه‌حه‌واندنا ئازادیخواز و خه‌باتكه‌رێن عراقێ ژهه‌مى پێكهاتێن گه‌لێ عراقێ و دیسان ئه‌ڤ شوره‌شه شیا گه‌له‌ك ده‌ستكه‌فتێن دیروكى بده‌ستڤه بینیت وه‌كى رێكه‌فتنا 11 ئادارا سالا 1970 و یا گومان بره كو شوره‌شا 26ى گولانا نیشتیمانى و پێشكه‌فتنخواز و سه‌رهلدانا بهارا سالا1991ژى هه‌ر درێژى دان بویه ب شوره‌شا ئیلونا مه‌زن و ئه‌ڤ ده‌ستكه‌فتێن ئه‌ڤروژى كو خو دنیڤ سه‌ربخویا كوردستانێ دا دبینین و به‌رهه‌مێ وێ په‌رله‌مان و حكومه‌ت و سیسته‌مێ دیموكراتیه ل كوردستانێ ,ڤه‌رێژو به‌رهه‌مى ڤێ شوره‌شا مه‌زن بویه.
دوباره پیروزه ئه‌ڤ بیرهاتنه و سلاڤ بو گیانێ پیروزێ ته‌ڤ شه‌هیدێن كوردستانێ و سه‌ركاروانێ وان بارزانیێ نه‌مر و ئیدریسێ هه‌رده‌م ساخ و هه‌مى پێشمه‌رگێن قاره‌مانێن شوره‌شا ئیلونێ.
لقێ ١٨
پارتی دیموکراتی کوردستان
١٠/٩/٢٠١٣
