تەخ وچینێن ئاكرێ پشتگیرییا لیستا (110) دووپات دكەن
ل درێژاهییا هەوا پروپاگندێن هەلبژارتنا وبۆ پشتگیریكرن ل لیستا (110) یا پارتی دیموكراتی كوردستان وكاندیدێن وێ یێن دەڤەرێ، نڤیسینگەها رێكخراوێن جەماوەری وپیشەییا لقێ9 ل هولا لقێ سمینارەك بۆ سەربەست تروانشی ئەندامێ ئەنجومەنێ سەركردایەتیێ وبەرپرسێ لقێ 9 سازكر، دڤێ سمینارێ دا كو سەندیكایێن پیشەیی( كریكاران، جوتیاران) ویانەیین وەرزشی وتیپێن هونەری ئامادەبوون، بەرپرسێ لقێ ئاماژەدا رولێ ڤان تەخ وچینان ل خزمەتكرن وئاڤەدانكرنا كوردستانێ وپاراستنا هەرێما كوردستانێ وداخواز لێكرن كول رۆژا (21-9) قەستا سندوقێن دەنگدانێ بكەن و دەنگێ خۆ بدەنە لیستا (110) و كاندیدێن وێ ودیاركر كوهەر ئەڤ لیستەیە دكاریت بەرگریێ ل مافێن هەمی تەخ وچینێن كوردستانێ بكەت، ژلایێ خۆڤە ئامادەبوویا پشتگیرییا خۆ بۆ لیستا (110) وكاندیدێن وێ دووپاتكر.
