بەرپرسێ لقێ ئێکێ پارتی دوو سیمینارێن جودا لدور هەلبژارتنێن پەرلەمانێ بو خەلکێ سێمێل و تەناهی پێشکێشکرن

دهوكKDP.info/ ئه‌ڤرو عه‌بدولخالق بابیری به‌رپرسێ لقێ ئێكێ پارتی دوو سـمینارێن جودا لدور هه‌لبژارتنێن په‌رله‌مانێ كوردستانێ وسه‌ر ئێخستنا لیستا سه‌د و ده‌ه یا پارتی بو خه‌لكێ قه‌زا سێمێل و كومه‌لگه‌ها ته‌ناهی پێشكێشكرن.
د ته‌وه‌رێ ئێكێ دا به‌رپرسێ لقێ به‌رنامێ پارتی و پلانێن وێ یێن نه‌ته‌وه‌یی و چه‌وانیا پاراستنا مافێن گه‌لێ كورد و سه‌رئێخستنا لیستا پارتی دیموكراتی كوردستان یا ژماره‌ سه‌د و ده‌ه و به‌ربژێرێن وێ بو به‌رهه‌ڤبوویان شروڤه‌كرن.
لدویڤدا به‌حسێ پروسێسا ئاڤه‌دانكرنا هه‌رێما كوردستانێ و و خزمه‌تكرنا وه‌لاتییان كو كه‌لتورێ پارتی و رێبازا بارزانیێ نه‌مره‌ كو ئه‌ڤرو پێكهاتێن كوردستانێ ب برایه‌تی پێكڤه‌ دژین و هیڤی خواست كو جه‌ماوه‌رێ ده‌ڤه‌رێ قه‌ستا سندوقێن ده‌نگدانێ بكه‌ن ب گه‌رماتیا جاران و لیستا پارتی دیموكراتی كوردستان كو لیستا خه‌بات و قوربانیدان و شه‌هیدایه‌ ژبیرنه‌كه‌ن و لیستا سه‌دو ده‌ه و به‌ربژێرێن وێ هه‌لبژێرن، لدویماهیێ به‌رهه‌ڤبوویان سوزدا كو چه‌وا دقوناغێن خه‌باتێ دا پشته‌ڤانێن رێبازا بارزانی بوون ئه‌ڤروژی دێ ب هه‌مان گیان پشته‌ڤانێن لیستا پارتی دیموكراتی كوردستان سه‌دو ده‌ه بن.