سه‌ربه‌ست له‌زگین دوپاتی ل رێنمایێن كومسیونا بلندا هه‌لبژارتنان و سه‌رخستنا لیستا پارتی دكه‌ت

زاخۆ-KDP.info/ سه‌ربه‌ست له‌زگین ئه‌ندامی جڤاتا سه‌ركردایه‌تیا پارتی دیموكراتی كوردستان و به‌رپرسێ لقێ 8ێ پارتی ل زاخۆ و د چوارچوڤێ سه‌ره‌دانێن خوه‌ دا بۆ میحوه‌رێن گولان و سه‌رهلدان و خابور و هیزل و زاخۆ و باتیفا و ده‌ركارێ دوپاتی لسه‌ر پابه‌ندبین ب رێنمایێن كومسیونا بلندا هه‌لبژاردنان ده‌رباره‌یی پروپاكنده‌یێن هه‌لبژارتنێن په‌رله‌مانێ كوردستانێ كر.

سه‌ربه‌ست له‌زگین د كومبینێن جودا دا دگه‌ل به‌رپرسێن بازنه‌یێن سنورێن میحوه‌رێن ناڤهاتی ده‌ست خوه‌شی ل به‌رپرسێن بازنه‌یان كر ژبۆ كارێن وان یێ پیرۆز دڤێ هه‌وێ دا و ئاماژه‌ دایه‌ گرنگییا هه‌لبژارتنێن په‌رله‌مانێ كوردستانێ و پروگرامێ لیستا 110 یا پارتی دیموكراتی كوردستان بۆ خوه‌شكرنا ره‌وشا خوه‌شگوزه‌رانیا وه‌لاتیان ل كوردستانێ و دیاركر لیستا پارتی لیستا به‌رخودان و قوربانیدان و پاراستنا ده‌ستكه‌فتیان نه‌ و یا تژی یه‌ ژ خال و پروگرامێن بهێز وبزاڤ و خزمه‌ت و سالوخه‌تێن نه‌ته‌وه‌یی وپێتڤی یه‌ ئه‌م هه‌می كار بكه‌ین بۆ سه‌رئێخستنا لیستا 110 و كاندیدێن پارتی و هه‌ر دڤان كومبینێن جودا دا به‌حس ل ره‌وشا برێڤه‌چوونا هه‌وا پروپاگندا هه‌لبژارتنێن په‌رله‌مانێ كوردستانێ ل سنورێن میحوه‌رێن گولان و سه‌رهلدان و خابور و هیزل و زاخۆ و باتیفا و ده‌ركارێ و چه‌وانیا هاندانا وه‌لاتیان بۆ سه‌ر سندوقێن ده‌نگدانێ و ده‌نگدان بۆ لیستا 110 و كاندیدێن پارتی دیموكراتی كوردستان و كار كرن هه‌ر ئێك لسنورێ خوه‌ ژبۆ سه‌ركه‌فتنا لیستا 110 و كاندیدێن پارتی دیموكراتی كوردستان و هه‌روه‌ها سه‌رئێخستنا ئه‌ڤێ پروسێ كر و دووپاتی لسه‌ر پابه‌ندبین ب رێنمایێن كومسیونا بلندا هه‌لبژارتنان ژی كر و دڤان كومبینان دا به‌رپرسێ لقێ هه‌شت چه‌ندین ئاموژگاری و رێنما پێشكێشی به‌رپرسێن بازنه‌یان كر.