سه‌ربه‌ست له‌زگین دوپاتى ل رێنمایێن كومسیونا بلندا هه‌لبژارتنان و سه‌رخستنا لیستا پارتى دكه‌ت

سه‌ربه‌ست له‌زگین ئه‌ندامى جڤاتا سه‌ركردایه‌تیا پارتى دیموكراتى كوردستان و به‌رپرسێ لقێ 8ێ پارتى ل زاخۆ و د چوارچوڤێ سه‌ره‌دانێن خوه‌ دا بۆ میحوه‌رێن گولان و سه‌رهلدان و خابور و هیزل و زاخۆ و باتیفا و ده‌ركارێ دوپاتى لسه‌ر پابه‌ندبین ب رێنمایێن كومسیونا بلندا هه‌لبژاردنان ده‌رباره‌یى پروپاكنده‌یێن هه‌لبژارتنێن په‌رله‌مانێ كوردستانێ كر.

سه‌ربه‌ست له‌زگین د كومبینێن جودا دا دگه‌ل به‌رپرسێن بازنه‌یێن سنورێن میحوه‌رێن ناڤهاتى ده‌ست خوه‌شى ل به‌رپرسێن بازنه‌یان كر ژبۆ كارێن وان یێ پیرۆز دڤێ هه‌وێ دا و ئاماژه‌ دایه‌ گرنگییا هه‌لبژارتنێن په‌رله‌مانێ كوردستانێ و پروگرامێ لیستا 110 یا پارتى دیموكراتى كوردستان بۆ خوه‌شكرنا ره‌وشا خوه‌شگوزه‌رانیا وه‌لاتیان ل كوردستانێ و دیاركر لیستا پارتى لیستا به‌رخودان و قوربانیدان و پاراستنا ده‌ستكه‌فتیان نه‌ و یا تژى یه‌ ژ خال و پروگرامێن بهێز وبزاڤ و خزمه‌ت و سالوخه‌تێن نه‌ته‌وه‌یى وپێتڤى یه‌ ئه‌م هه‌مى كار بكه‌ین بۆ سه‌رئێخستنا لیستا 110 و كاندیدێن پارتى و هه‌ر دڤان كومبینێن جودا دا به‌حس ل ره‌وشا برێڤه‌چوونا هه‌وا پروپاگندا هه‌لبژارتنێن په‌رله‌مانێ كوردستانێ ل سنورێن میحوه‌رێن گولان و سه‌رهلدان و خابور و هیزل و زاخۆ و باتیفا و ده‌ركارێ و چه‌وانیا هاندانا وه‌لاتیان بۆ سه‌ر سندوقێن ده‌نگدانێ و ده‌نگدان بۆ لیستا 110 و كاندیدێن پارتى دیموكراتى كوردستان و كار كرن هه‌ر ئێك لسنورێ خوه‌ ژبۆ سه‌ركه‌فتنا لیستا 110 و كاندیدێن پارتى دیموكراتى كوردستان و هه‌روه‌ها سه‌رئێخستنا ئه‌ڤێ پروسێ كر و دووپاتى لسه‌ر پابه‌ندبین ب رێنمایێن كومسیونا بلندا هه‌لبژارتنان ژى كر و دڤان كومبینان دا به‌رپرسێ لقێ هه‌شت چه‌ندین ئاموژگارى و رێنما پێشكێشى به‌رپرسێن بازنه‌یان كر.