نها گوهداریا رادیویا (١١٠) بکە لسەر پێلا ٩٩.٥ FM
نها رادیویەکا دی ل دڤەرێ کەفتیە کاری بناڤێ رادیو(١١٠ )، دەربارەی ڤەکرنا ڤێ رادیویێ و بەرنامە و دەمێن پەخشی دلشاد بەرچی رێڤەبەرێ رادیویا سیلاڤ و رادیویا ١١٠ ب ڤی رەنگی بو مالپەرێ لقێ ١٨ پەیڤی :
وەک یا دیار رادیویا سیلاڤ ئێکەم رادیو بوویە دەست ب پەخشێ خو کری ل دەڤەرا ئامێدیێ و بو ماوەکێ درێژ کەفتیە د خزمەتا وەلاتیان دا ود هەمی بیاڤان دا ، و بو ڤی دەمی و بو پشکداریێ د هەوا بانگەشا هەلبژارتنان دا مە بفەر زانی ژبو پشتەڤانیا لیستا پارتی دیموکراتی کوردستان (١١٠) لیستا خەباتا دویر ودرێژ ... لیستا رێبازا بارزانیێ نەمر ... لیستا خزمەتگوزاری و پیشکەفتن و دەسکەفتان ، ئەم ب ڤێ کاری رابین هەر چەندە رادیویا سیلاڤ بخو کێم خەمی نەکریە و ب رەنگەکێ هەری باش بەشدارە د پروپاگندێدا ، بەلێ هەبوونا رادیویەکا تایبەت بو ڤێ مەرەمێ دێ رولەکێ دی گێریت و کارتێکرنەکا دیتر هەبیت .
زێدەتر بەرچی گوت مە وەک رێڤەبەری و ستافێ رادیویا سیلاڤ ب پشتەڤانیا لقێ ١٨ رادیویا ١١٠ ل دێرەلوک ڤەکر و پەخشی وێ زوربەیا دەڤەرێ ڤەدگریت ،نها وەلاتی ل سەرسنک ، ئامێدیێ ، قەدش ، دێرەلوک ، شێلادزێ ، بارزان و گەلەک جهێن دیی دکارن گوهداریا بەرنامێن وێ بکەن .
سەبارەت بەرنامین رادیویا ١١٠ رێڤەبەرێ رادیویێ گوت : ژبەر کو رادیو یا تایبەتە ب بانگەشا هەلبژارتنان ڤە بارنامێ کاری یێ سنوردارە ب دیارکرنا بەرنامێ لیستا ١١٠ بو وەلاتیان و بزاڤ و چالاکیێن لقێ ١٨ و لیژنە و رێکخراوێن بسەرڤە و کاندیدێن پارتی ل دەڤەرێ و هەر چالاکیەکا دی یا گرێدای ب ڤی کاری و بێ گومان سرودێن نەتەویی و پارتایەتی و دیدار و مێزگەرد و سمینار دێ لێ هێنە پەخشکرن چ راستەوخو یان تومارکری .
زێدەتر گوت مە دەرفەتێن یەکسان داینە هەمی کاندیدان و ب تایبەتی هەر چارێن دەڤەرێ (عبدالسلام بەرواری ، د.عبدالله جاسم رێکانی ، علی سپینداری ، خانم نجات محمد نهێلی) خو بدەنە نیاسین و پەیاما خو بگەهیننە خەلکەکی و روژانە چەندین جاران ئەڤە دهێنە دوبارە کرن.
دەربارەی پروسا دەنگدانێ بەرچی گەت :- ژبو هایدارکرنا وەلاتیا سەبارەت گرنگیا دەنگدانێ و چەوانیا دەنگدانێ ل روژا هەلبژارتنا دیسان مە چاڤپێکەفتنێن تایبەت هەنە زێدەباری بەڵاڤکرنا رێنمایێن کومسیونا بلندا هەلبژارتنان و هەتا داوییا پروسا هەلبژارتنان دێ مینیە دگەل گوهدارێن خو و هەر کارەکێ پێتڤی ژبو خزمەتا وان و لیستا ١١٠ دێ ئەنجامدەینو پیخوشحالین ب پشنیارێن هەڤال و گوهداران.
و ل دوماهی خویاکر کو رادیویا (١١٠) FM لسەر پێلا ٩٩.٥دهێتە پەخشکرن و بو ماوێ ٢٤ دەمژمێران یا بەردەوامە.
