به‌رپرسێ لقێ 8 پارتى پێشوازیا شانده‌كێ قوتابیێنزانكویێن ئه‌لمانى كر
سه‌ربه‌ست له‌زگین به‌رپرسێ لقێ هه‌شتێ پارتى دیموكراتى كوردستان ل زاخو پێشوازیا شانده‌كێ قوتابیێن زانكویێن ئه‌لمانى كر كو ل سه‌ر داخوازا ئێكه‌تیا قوتابیێن كوردستانێ سه‌را كوردستانێ دایه.
دهه‌ڤدیتنه‌كێ دا كو نوینه‌رێ ئێكه‌تیا قوتابیێن كوردستانێ ل ئه‌لمانیا و به‌رپرسێ لقێ زاخو یێ قوتابیان به‌رهه‌ڤببوون ، به‌رپرسێ لقێ هه‌شت خوشحالیا خو ب سه‌ره‌دانا شاندێ مێڤان ده‌ربرى و چه‌نده‌ك ژ ئێش و ئازارێن گه‌لێ كوردستانێ بو وان به‌حس كرن و ئاماژه ب قوناغا پشتى سه‌رهلدانێ داو ئه‌و پێشكه‌فتنا دسه‌رده‌مێ حكومه‌تا هه‌رێمێ دا په‌یدابووین و به‌حسێ كه‌رتێ خواندنێ و فێربوونێ و سیسته‌مێ په‌روه‌ردێ ل كوردستانێ كر .
ژلایێ خوڤه شاندێ ناڤبرى سوپاسیا ئێكه‌تیا قوتابیێن كوردستانێ كر كو داخواز كرینه كوردستانێ و مه‌ره‌ما سه‌ره‌دانا خو بو كوردستانێ ده‌ربرى و چه‌ند پسیاره‌ك لدور كوردستانێ ب تایبه‌تى هه‌لبژاردنێن بهێن پێشكێشى به‌رپرسێ لقێ كرن و پشتى به‌رسڤدانێ به‌رپرسێ لقێ داخواز ژ شاندێ مێڤان كر ل ده‌مێ ڤه‌گه‌ریانێ ره‌وشا كوردستانێ بو وه‌لاتێ خو به‌حس بكه‌ن و هه‌ماهه‌نگى و په‌یوه‌ندیێن خو دگه‌ل ئێكه‌تیا قوتابیان كوردستانێ بهێزتر لێ بكه‌ن و ل دووماهیێ لوگویێ پارتى یێن هه‌وا پروپاكندا هه‌لبژاردانان پێشكێشى شاندێ مێڤان كرن.
هه‌ژى گوتنێ یه شاندێ ناڤبرى ژ نوزده قوتابیان پێك دهێت و دوو ژ وان كوردن كو ل پازده زانكویێن ئه‌لمانى دخوینن و ژڤان ئه‌وه بو ده‌مێ ده‌ه روژان ل كوردستانێ بمینن و چه‌ندین دیدارا دگه‌ل سازیێن میرى و حزبى ئه‌نجام بده‌ن.
