بەرپرسێ لقێ 8 پارتی وقایمقامێ زاخو سەرا جهێ بویەرا ئەڤرو دا

لروژا سێ شه‌مبێ و لرێكه‌فتی (3-9-2013)ێ روویدانه‌كا سه‌ره‌نج راكێشدا لسه‌ر رێ یا زاخو و دهوك و لبنێ گه‌لیێ زاخو و لنێزك گوندێ حه‌سه‌ن ئاڤا پشتی كو ترێله‌یه‌كا توركی ژ جادێ ده‌ركه‌تی هاته‌ دناڤا پانزینخانه‌یا نه‌وروز ئویل دا و خوه‌ ل هه‌ژماره‌كا تریله‌ و قومیونان دا و دئه‌نجامدا ئاگر ب نێزیكی 23ترێلان و قه‌میونان كه‌ت، و دوو كه‌س ژی برینداربون لدیف زانیاریان برینا ئێك ژوان سه‌خته‌،

دگه‌ل په‌یدابونا روویدانێ ئالێن په‌یوه‌ندی دارێن ده‌ڤه‌رێ دگه‌ل خه‌لیل مه‌حمود قائممقامێ زاخو ئاماده‌بون و تیمێن ده‌ڤه‌رێ ب هه‌ڤكاریا ئاساێش و پولیسێن ترافیكێ و یێن زاخو شیان ئاگری دماوه‌یێ نێزیك ده‌مژمێر و نیڤی كونترول بكه‌ن، هه‌رئێك ژ وقائممقامێ زاخو و به‌رپرسێ لقێ 8 سه‌ره‌رایی تیمێن هه‌وارهاتنێ و یێن به‌رگریا شارستانی هه‌ردوو به‌رپرسێن حزبی و حكومی یێن ئاماژه‌ پێ كری ب رێ یا په‌یوه‌ندیان داخواز ژ هه‌ولاتیان كرن كو هاریكاربن بو كونترولكرنا ئاگری و هاولاتێن ده‌ڤه‌رێ ژی ب تانكه‌رێن خوه‌ یێن ئاڤێ و شه‌فه‌ران هاریكارییا تێمێن هه‌وار هاتنێ و به‌رگریا شارستانی ل زاخو كرن تاكو ئاگر هاتی كونترول كرن