ل زاخۆ 202 پارچه زه‌ڤیێن ئاكنجیبوونێ ل سه‌ر خێزانێن شه‌هیدێن سه‌نگه‌رى هاتنه دابه‌ش كرن
سه‌ربه‌ست له‌زگین به‌رپرسێ لقێ 8ێ پارتى دیموكراتى كوردستان ل زاخۆ پێشوازى ل به‌ره‌ڤان حه‌مدى نوینه‌رێ وه‌زاره‌تا كاروبارێن شه‌هید و ئه‌نفالكریان و شاندێ دگه‌ل دا كر.
درینشتنه‌كێ دا هه‌ردوو لایان به‌حسێ ره‌وشا خێزانێن شه‌هید و ئه‌نفالكریان و ئه‌و خزمه‌تێن حكومه‌تا هه‌رێمێ پێشكێشى ویرسێن وان دكه‌ن و كێشه و گرفتێن دكه‌ڤنه درێیا كارێ رۆژانه دا كرن و دڤى بیاڤى دا به‌رپرسێ لقێ ده‌ستخوشى ل كارێ وه‌زاره‌تێ كر ژبۆ وان ئاسناكاریان یێن بۆ خێزانێن شه‌هیدو ئه‌نفالكریان دكه‌ن و ته‌ئكید ل سه‌ر خورتكرنا هه‌ماهه‌نگیێ دناڤبه‌را سازیێن میرى و حزبى دا كر.
ژهه‌ژى گوتنێ یه كو شاندێ ناڤبرى د سه‌ره‌دانا خودا بۆ ده‌ڤه‌را زاخۆ و ل هولا سه‌روكاتیا باژێرڤانیا زاخۆ دبیرئانینا كاره‌ساتا دلته‌زینا ئه‌نفالێن ره‌ش دا (202) پارچه زه‌ڤیێن ئاكنجیبوونێ ل سه‌ر خێزانێن شه‌هیدێن سه‌نگه‌رى دابه‌ش كرن و بڤێ چه‌ندێ هیچ شه‌هیده‌كێ سه‌نگه‌رى ل ده‌ڤه‌را زاخۆ نه‌ما كو پارچه زه‌ڤى ژ حكومه‌تا هه‌رێمێ نه‌وه‌رگرت بیت.
