هاریكارى ب سه‌ر خێزانێن ئاواره‌یێن رۆژئاڤا یێن ده‌ڤه‌را ئامێدیێ ئاكنجى هاتنه پارڤه‌كرن.
د هه‌وا كومكرنا هاریكاریان دا ل ده‌ڤه‌را ئامێدیێ زێده‌بارى كو 40 خێزانێن ئاواره‌یێن كوردێن رۆژاڤا یێن ده‌ڤه‌رێ ئاكنجى ب ڤان كه‌ل و په‌لان مفادار بوون ئه‌وێن مایى كو 9 ملیون و 300 هزار دنیار و ل گه‌ل 15 كامیونێن كه‌لوپه‌لان ل رۆژا ئێك شه‌مبى 1/9/2013 هاتنه باركرن و هاتنه هنارتن بۆ لژنا بلندا كومكرنا هاریكاریان ل دهوكێ.
هه‌كار عه‌بدلسه‌لام تێبینه‌رێ ئه‌وقافا ئامێدیێ بۆده‌زگه‌هین راگه‌هاندنی دیاركر، كو ئه‌وان ئه‌ڤ هه‌وه بۆ ماوێ هه‌شت رۆژان ئه‌نجامدا ب هاریكاریا لیژنین سنوری لقا 18 و لاو و قوتابی و ئافره‌تان رێكخراوێن جڤاكى سڤیل وسه‌نته‌رێن ره‌وشه‌نبیرى دڤێ هه‌وێ شیانه كوژمێ 9 ملیون و300 هزار دیناران ل گه‌ل 15 كامیونێن كه‌ل و په‌لان كوم بكه‌ن و دوهى ئه‌ڤ كه‌ل و په‌له هاتنه باركرن و بۆ لژنا بلند یا كومكرنا هاریكاریان ل دهوكێ هاتنه هنارتن).
هه‌روه‌سا ژبلى ڤان 15 كامیونان ئه‌ڤ هاریكاریه ب سه‌ر 40 خێزانێن كوردێن رۆژئاڤا كو ل ده‌ڤه‌رێ ئاكنجى هاتنه دابه‌ش كرن.
ژلایێ خوو ڤه به‌رپرسی لیژنا ناوچا دیرالوک (ره‌مه‌زان هوره‌یی )ده‌ست خوشى ل خه‌لكێ ده‌ڤه‌رێ كرن ل سه‌ر هاریكارى كرنا بۆ ڤێ هه‌وێ و گۆت: (ئه‌م ژلایێ خوو ڤه سوپاسیا هه‌موو خه‌لكێ دێرالۆك وشێلادزێ وسیریێ وگوندێن ده‌وروبه‌ران هه‌موو ئه‌و كه‌سێن كو هاریكار بۆ ڤێ هه‌وێ و ئه‌ڤه بۆ جارا دوویێ یه ئه‌ڤ خه‌لكێ ده‌ڤه‌رێ هاریكاریان بۆ كوردێن رۆژئاڤا كوم دكه‌ن و ئه‌ڤه ژى نیشانا وه‌فاداریا ڤى خه‌لكى یه بۆ كوردێن هه‌ر چوار پارچین كوردستانێ و دوباره جهێ ده‌ست خوه‌شیێ یه). ......
