سه‌ربه‌ست له‌زگین: سه‌ربلندى یه كو خه‌لكێ زاخۆ ده‌ستێ هاریكاریێ بۆ كوردێن رۆژئاڤا درێژكرین
سه‌ربه‌ست له‌زگین به‌رپرسێ لقێ 8ێ پارتى دیموكراتى كوردستان ل زاخۆ و خه‌لیل مه‌حمود هه‌رێدارێ ده‌ڤه‌را زاخو سه‌را ئه‌وقافا زاخو دا كو جهێ كومكرنا هاریكاریانه بو كوردێن روژئاڤایێ كوردستانێ یێن ئاوه‌ره‌ى باشورێ كوردستانێ بوین و ئه‌ڤ هه‌وا كومكرنێ ب ئه‌ركه‌كێ نه‌ته‌وه‌یى و مروڤایه‌تى قه‌له‌م دان.
د په‌یڤه‌كێ دا بو ده‌زگایێن راگه‌هاندنێ به‌رپرسێ لقێ گوت: ئه‌نجام دانا ڤێ هه‌وا كومكرنا هاریكاریا ئه‌ركه‌كێ نه‌ته‌وه‌یى و مروڤایه‌تى یه و بارسڤكیه بو حكومه‌تا هه‌رێما كوردستانێ له‌ورا ل سه‌رانسه‌رى كوردستانێ خه‌لكێ مه به‌شداریێ دڤێ هه‌وێ دا دكه‌ن و ده‌ستێ هاریكاریێ بو برایێن روژئاڤایێ كوردستانێ درێژكریه و سه‌ربلندى یه كو خه‌لكێ زاخۆ ده‌ستێ هاریكاریێ ب هه‌مى چین و تویژێن خو ڤه بشێوه‌كێ به‌رفره‌هـ بۆ كوردێن رۆژئاڤا درێژكرین و ل دووماهیێ ده‌ست خوشى ده‌سته‌یا كومكرنا هاریكاریان ل زاخو كر ژبو ماندیبوون و خه‌مخوریا وان و پشته‌ڤانیا لقێ 8 بو ده‌سته‌یا ناڤبرى دووپات كر.
هه‌ر ئه‌ڤرو به‌رپرسێ لقێ 8 پارتى دگه‌ل هه‌لگرێن مه‌الیا بارزانیێ نه‌مر و په‌رله‌مانته‌رێن كوردستانێ و هژماره‌كا كادرێن پارتى كومبوو.
دكومبونێ دا به‌حسێ ره‌وشا رێكخستنا پارتى و چه‌وانیا باشتركرنا ئالیه‌تێ كاركرنێ بو ده‌مێ داهاتى و ئه‌رك و به‌رپرسیارى یێن كادرێن پارتى بو ڤێ قوناغێ و كێم و كاسیێن ده‌ڤه‌را زاخو هاته كرن و ته‌ئكید ل سه‌ر پابه‌ندبوونا كادران ب رێنمایێن پارتى كر
