سه‌ربه‌ست له‌زگین بۆ رێكخستیێن پارتى ل زاخۆ: دڤێت ملله‌تێ كورد یێ به‌رهه‌ڤ بیت بۆ هه‌ر پێشهاته‌كا نوى
ب مه‌ره‌ما خو به‌رهه‌ڤكرن و دارشتنا میكانزمه‌كا گونجاى و چه‌وانیا كاركرنێ بۆ داهاتى، سه‌ربه‌ست له‌زگین به‌رپرسێ لقێ 8ێ پارتى دیموكراتى كوردستان ل زاخۆ جودا جودا دوو سمینار بۆ كادر و رێكخستیێن پارتى پێشكێشكرن.
دسمینارا دا به‌رپرسێ لقێ روناهى به‌ردانه سه‌ر ره‌وشا هه‌رێمێ و ئه‌و گوهورینێن ل ده‌ڤه‌رێ په‌یدا دبن و ئاماژه ب ره‌وشا رۆژئاڤایێ كوردستانێ دا و دڤى بیاڤى دا دیار كر كو كاودانێن ب له‌ز یێن په‌یدا دبن له‌ورا دڤێت ملله‌تێ كورد یێ به‌رهه‌ڤ بیت بۆ هه‌ر پێشهاته‌كا نوى.
د ته‌وه‌ره‌كێ دى دا به‌رپرسێ لقێ به‌حسێ ره‌وشا ناڤخۆیا پارتى و ره‌وشه‌نبیریا زانستێ هه‌لبژارتنا ئه‌و ئاماده‌كاریێن بۆ داهاتى دهێنه كرن كر و دڤى بیاڤى دیار كر كو فه‌ره كادرێ پارتى دهه‌مى بیاڤان دا شاره‌زایه‌كا باش هه‌بیت و خو بگونجینت دگه‌ل پێشڤه‌چوونێن سه‌رده‌م و ته‌ئكید ل سه‌ر كارێ مه‌یدانى و چوونا كادران بۆ ناڤ ته‌خ وچینێن جه‌ماوه‌رى دا كر و زانینا كێم و كاسى و گه‌هاندنا ئاریشێن وان بۆ جهێن په‌یوه‌ندیدار كر.
