به‌رپرسێ لقێ 9 یێ پارتى سمیناره‌كا جه‌ماوه‌رى بو ریهسپى وكه‌سایه‌تى وجه‌ماوه‌رێ ده‌ڤه‌رێ پێشكێشكر

ئاكرێ-KDP.info/ ئه‌ڤرو( سه‌ربه‌ست تروانشى)  به‌رپرسێ لقێ نه‌ه یێ پارتى دیموكراتى كوردستان ل ئاكرێ سمیناره‌كا جه‌ماوه‌رى بو ریهسپى وكه‌سایه‌تى وجه‌ماوه‌رێ ده‌ڤه‌رێ پێشكێشكروتێدا به‌حسێ ره‌وشا ئه‌ڤرویا هه‌رێما كوردستانێ وعیراقێ وده‌ڤه‌رێ ب گشتى كر وئاماژه‌ ب تێك چوونا ره‌وشا ئێمناهیا عیراقێ دا .

وژلایه‌كێ دیڤه‌ به‌حسێ كاروپروژێن حكومه‌تا هه‌رێما كوردستانێ ئه‌وێن بو خوشكرنا ژین وژیارا وه‌لاتیان لده‌ڤه‌رێ دبیاڤێن جودا دا دهینه‌ بجه ئینان كر ودیاركر كو حكومه‌تا هه‌رێما چه‌ندین پلانێن جودا بو نه‌هێلانا كێماسیان داناینه‌.

 وژلایه‌كێ دیڤه‌ به‌حسێ هاتنا كوردێن روژئاڤا كوردستانێ كركو پشتى گه‌فێن تیروریستان هاتینه‌ هه‌رێما كوردستانێ ولدویڤ شیانان حكومه‌تا هه‌رێمێ هه‌مى پێدڤیێن ژیانێ بو دابینكرینه‌ ولدوماهیێ گه‌نگه‌شه‌ لسه‌ر ناڤه‌روكا سمینارێ ژلایێ به‌رهه‌ڤبوویان ڤه‌ هاته‌ كرن.