سه‌ربه‌ست له‌زگین رژدی ل سه‌ر گه‌هاندنا ئاریشێن خه‌لكی بۆ جهێن په‌یوه‌ندیدار كر
زاخو-KDP.info/ ب مه‌ره‌ما خۆ به‌رهه‌ڤكرن و دارشتنا میكانزمه‌كا گونجای و چه‌وانیا كاركرنێ بۆ داهاتی، ئه‌ڤرۆ سه‌ربه‌ست له‌زگین به‌رپرسێ لقێ 8ێ پارتی دیموكراتی كوردستان ل زاخۆ سمیناره‌ك بۆ هژماره‌كا كادران سازكر.
د سمینارێ دا به‌رپرسێ لقێ رۆناهی به‌ردانه سه‌ر ره‌وشا هه‌رێمێ و ئه‌و گوهورینێن ل ده‌ڤه‌رێ په‌یدا دبن و ئاماژه ب ره‌وشا رۆژئاڤایێ كوردستانێ دا و د ڤی بیاڤی دا دیار كر كو كاودانێن ب له‌ز یێن په‌یدا دبن له‌ورا دڤێت ملله‌تێ كورد یێ به‌رهه‌ڤ بیت و مفای ل هه‌ر پێشهاته‌كا نوی وه‌ربگریت.
د ته‌وه‌ره‌كێ دی دا به‌رپرسێ باس ل ره‌وشا ناڤخۆیا پارتی و ئه‌و ئاماده‌كاریێن بو كارێ رێكخستنێ دهێنه كرن كر و دڤی بیاڤی دا رژدی ل سه‌ر كارێ مه‌یدانی و چوونا كادران ب شێوه‌كێ باشتر بو ناڤ ته‌خ وچینێن جه‌ماوه‌ری دا كر و زانینا كێم و كاسی و گه‌هاندنا ئاریشێن وان بو جهێن په‌یوه‌ندیدار كر.
