ل ده‌ڤه‌را ئامێدیێ هاریكاری بو ئاواره‌یێن كوردێن روژئاڤا دهیِنه كومكرن
ل دووڤ به‌رنامه‌یێ هاتیە دانان ژبوی كومكرنا هاریكاریان بو خویشک وبرایێن كوردێن روژئاڤا كوردستانێ كه‌مپینێن كومكرنا هاریكاریان ل سەنتەرێ قەزا ئامێدیێ و سەنتەرێن ناحیا و هه‌موو كومه‌لگه‌هێن سنورێ لقێ ١٨ی پارتی دیموکراتی کوردستان هاتنه دانان و هاولاتی ژی هاتنه ئاگه‌هداركرن لسه‌ر ڤێ چه‌ندێ ل روژا ئەینی رێکەفتی ٢٣/٨/٢٠١٣.
ئه‌سعه‌د حه‌سه‌ن سه‌رپه‌رشتێ كه‌مپینا كومه‌لگه‌ها سیریێ گووت :پشتی كو به‌رنامێ دروستكرنا كه‌مپینا بو كومكرنا هاریكاریان بو ئاواره‌یێن كوردێن روژئاڤا هاتیه دانان مه ژی مینا هه‌موو ڤهێن دی ل سیریێ كه‌مپینه‌ك پێكئینا ژ هه‌موو رێكخراوێن جه‌ماوه‌ری و ره‌وشه‌نبیری مینا فه‌رهه‌نگخانا شێلادزێ و ئێكه‌تیا زانیێن ئیسلامی لیژنا سیریێ و ئێكه‌تیا قوتابیان و لاوان و ئافره‌تان ژبوی بێشوازیكرنا هاولاتیان ب خوشحالی ڤه خه‌لكێ سیریێ ب گه‌رمی هاتنه كه‌مپینێ و هه‌رئێكی ل دووڤ شیانێن خو هاریكاری ئینان .و ئه‌ڤ كه‌مپینه دێ بو هه‌یاما حه‌فتیه‌كێ یا به‌رده‌وام بیتن .
